Cliquer ici pour voir la vidéo.

Week end nziza ku bakunzi bose b’urubuga le Médiateur!

Ijambo rigaruka kenshi muri iki gihe mu banyarwanda biyemeje gusubiza igihugu isura n’umuco wa kimuntu ni « Revolusiyo! » Nyuma y’imyaka myinshi abanyarwanda bagerageza guhangana n’ibibazo FPR Inkotanyi yashoye mu gihugu no mu karere, uburyo bwose bwageragejwe kugeza iki gihe bwabaye imfabusa. Iyo ikaba impamvu abanyarwanda hirya no hino ubu baharanira buri munsi gushakira igisubizo kidasubirwaho ihurizo ry’agatsiko ka FPR kugeza ubu ryabaye akamenamutwe mu myaka irenga makumyabiri Inkotanyi ziteye igihugu. Amashyaka hirya no hino arakora ibishoboka, abishoboye akishyira hamwe ngo ahuze ingufu n’ibitekerezo, rimwe na rimwe bigasa no kuvomera mu kimenetse, alliances zigiyeho zigashwanyuka bidateye kabiri! Mu by’ukuri ikigira indashoboka iri hurizo ryo gusezerera agatsiko, harimo cyane cyane kutumva neza imiterere y’ihurizo kimwe n’inzira zanyurwa mu kurisigura. Bityo bikagaragara ko abaleaders bariho kugeza iki gihe hari icyo batari bumva ku kibazo cya FPR Inkotanyi, kandi uko kutabyumva (ignorance) biri mu bitera nyine inkundura kugenda biguru ntege. Revolusiyo rero ivugwa nk’igisubizo ni revolusiyo bwoko ki, irahangana n’ikibazo giteye gite, kandi inzira yo kunyuramo iharuye ite? Ngibyo ibibazo byibazwa muri iki gihe n’abanyarwanda b’ingeri zinyuranye bagerageza gushaka umuti w’ikibazo cy’inkotanyi.

Mu bihugu byinshi habayeho mu mateka revolusiyo za rubanda, kugeza n’aho mu mahame remezo agenga uburenganzira bw’ikiremwamuntu banditsemo ko mu gihe cyose uburenganzira bw’ibanze bw’abaturage buhonyorwa n’ubutegetsi bw’igitugu, ko ari atari uburenganzira gusa ahubwo ko ari n’inshingano ku baturage kwivumbagatanya bagahangana n’ubwo butegetsi bubi. Iyo havugwa revolusiyo rero, hari igihe bamwe mu bambari b’ubutegetsi babifataho ngo ko ari ukubuza umudendezo igihugu ndetse no ku bangamira amategeko igihugu kigenderaho. Oya siko bimeze, revolusiyo ni uburenganzira bw’ibanze mu mahame agenga ikiremwamuntu, bityo nta tegeko na rimwe riba ryishwe iyo abaturage bivumbuye ku butegetsi bubi, ahubwo iyo bidakozwe niho amategeko aba yishwe. Bityo rero gufungira abantu ko badashaka gukandamizwa ni ukubangamira bikomeye uburenganzira bw’ikiremwamuntu, abategeka ibyo bagomba kubirizikana.

Ikibazo cy’ingutu na none kigaruka, ntigituruka ku butegetsi bubi gusa, ahubwo gituruka by’umwihariko ku barangaje imbere abandi mu gutegura revolusiyo. Muri rusange icyo abayoboye amashyaka batari bumva, ni uko gukora revolusiyo binyuranye no kugirana imishyikirano n’ubutegetsi burenganya. Ubundi imishyikirano yonyine yemerwa muri revolusiyo, ni iyo guha umunyagitugu icyanzu anyuramo kugirango akinguruke rubanda. Bityo  iyo abantu bicaye ngo bari gutegura revolusiyo basaba ko leta ibagirira ikigongwe ikemera gushyikirana nabo, iyo ni revolusiyo iba yapfubye. Biba agahomeramunwa nabwo iyo abategura revolusiyo bagira batya bakemera ko bacengerwa n’abambari ba leta irenganya, aba babashukashuka boshye shitani babumvisha ko bagomba kwitabira ibiganiro na leta irenganya. Bakwitabira bate se ibyo biganiro, kandi iyo leta nyine itabanje gukurikiza ibisabwa, ni ukuvuga kubohora ingoyi z’akarengane?

Ha mbere aha amashyaka yokomeje gupfunda  imitwe hirya no hino, abayarangaje imbere benshi muri bo bibwira ko bashobora kumvikana na leta y’igitugu ikadohora ikaba yabaha ku butegetsi nabo bakaboneraho kurengera abaturage. Iyo iyo nzira iba ishoboka, nta kuntu abasirikari bakuru bishyize mu maboko y’inkotanyi mu 1994, barimo ba General Emmanuel Habyarimana, Leonidas Rusatira na Majoro Cyiza n’abandi,  batari kuba baragize icyo bageraho mu kugamburuza Inkotanyi. Ariko ibyo ntibabishoboye kandi bitwa ko ari abasoda! Abandi twavuga ni abasiviri banyuranye bakomeje kwibwira ko bakoranye n’Inkotanyi hari icyo batabaraho rubanda. Abo basiviri bose, uvuye kuri Seth Sendashonga  ukagera kuri Victoire Ingabire unyuze kuri Faustin Twagiramungu n’abandi nkawe ntacyo bagezeho! Ubwumvikane n’ingoma y’igitugu rero bigaragara ko ari inzira idashoboka kandi irimo dangers nyinshi.

Kuri iki gihe rero ibintu bihagaze bite? Nta gushidikanya ko hakiriho guhuzagurika gukomeye. Uko guhuzagurika kugaragarira cyane cyane aho abategura revolusiyo bagira batya bakinjirwa n’inkotanyi ziyorobetse ntibabirabukwe. Izo nkotanyi zidasanwze kandi zikunze kuba izo abantu badakeka, ni ukuvuga cyane cyane abigira nyambere ngo baravugira rubanda kandi bafite imigambi ihishe. Kugira ngo revolusiyo ijye mbere ni uko bene izo ndiririzi zihishe ziba zikwiye gushyirwa ku ruhande, nanone bigakorwa mu bushishozi!

Ikindi kitabura kugarukwaho mu rwego rwo kwiga imiterere y’ikibazo revolusiyo igomba guhangana nacyo, ni ukumenya umuzi n’umuhamuro wa byose. Birasetsa rimwe na rimwe iyo ubona abanyarwanda bateranye, bagatangira kujora amateka y’u Rwanda bemeza ko ibibazo u Rwanda rufite bifitanye isano n’ingoma ya cyami, ndetse benshi bakumva ko  ari muri ubwo buryo bagomba kurwanyamo agatsiko ka FPR. Hari n’abajya gutangira ukumva ibiganiro byabo bigusha aha ngo ko ikibazo cy’u Rwanda cyaba cyarazanywe na Habyarimana. N’Ibindi n’ibindi abantu birirwamo bidafite umumaro bidashobora no kugira icyo bitazeho intambwe Inkundura yo kwibohora. Iyo bamwe babibonye gutyo niho usanga bahitamo kwifatira inzira yabo bwite isa n’iyitarura izateganwaga kugeza iki gihe. Urugero rutari kure rwatangwa ni urw’ Ishyaka « Ishema Party » rishinzwe vuba aha, usanga mu bitekerezo bya revolusiyo ryarasize benshi bibwiraga ko bakorera inyungu z’abaturage. Ibyo biterwa n’uko iri shyaka Ishema rifata umwanya wo kwiga ku bibazo nyabyo no kugerageza ku bishakira ibisubuzo kandi rigafata igihe cyo gusobanurira abantu ku buryo bwimbitse. Ishyaka rishobora kugira ingorane ryihariye nibyo, dufatiye nk’urugero twavuzeho rw’Ishema Party rikunze kugaragaza ko ribura abaritera inkunga bahagije ku buryo bw’amafaranga afasha mu gushyira mu ngiro ibiteganyijwe. Ariko rero iyo abayobozi bariho batahiriza umugozi umwe kandi bakarangwa n’ibikorwa bigamije intego, n’iyo bene iryo shyaka ryagera aho rinanirwa, ariko byibuze riba ryagaragaje ko ritajandajanda mu gushakira umuti ibibazo biriho.

Icyo twarangirizaho muri iri jambo ry’ibanze, ni ukwibutsa abanyapolitiki gutekereza cyane ku bwoko bw’ikibazo kiri mu Rwanda, bityo bagategura revolusiyo ijyanye n’ikibazo kiriho, kuko revolusiyo zose ntizigomba gusa byanze bikunze. Ku byerekeye ubutegetsi buriho mu Rwanda, ku bunenga udahereye kuri geopolitique ntibyafasha na gato revolusiyo ivugwa. Nk’uko bigaragara, igihugu cyacu kiyobowe muri iki gihe n’umugererwa (uvuga ko ari prezida), ariko mu by’ukuri ari umugapita ushinzwe kubungabunga inyungu z’abacapitalisti mu karere. Kurwanya ugutandukira kw’abakapitalisti bigomba byanze bikunze kunyura mu nzira zihuye cyangwa se zegeranye n’ubusosialisti. Uko revolisiyo sociale ikorwa bigira inzira, ingero tuzi zikaba revolusiyo ya Cuba kimwe n’izindi zo mu bihugu byo muri Amerika y’amajyepfo. Abaturage bahanganye n’abacapitalisti bifashishije ibitekerezo bya revolusiyo y’abasosiyalisti bagiye kenshi bagera ku ntego. Ni ah’abaleaders rero gutekereza bigera kure, bityo bagafata igihe cyo kuva mu matiku adashira yo kuvuga ibibazo bitwajije ubwami cyangwa izindi ngoma zabayeho mu Rwanda. Abanyapolitiki bagomba kujya ku muzi w’ikibazo, bityo bagafasha rubanda kwibohora bazi intego bagamije, inzira zo kunyuramo ndetse n’ubwoko bw’ubutegetsi bateganyiriza u Rwanda rwo mu gihe kizaza.

La Rédaction, Le Médiateur

***************

Urashaka kuganira n’Abayobozi b’ISHYAKA ISHEMA, i Bruxelles, le 28/4/2013 ? AIPAD

Parution: 2013-04-12 07:35:35
Par:Association AIPAD

Mu rwego rwo gukomeza kuganira  no kungurana ibitekerezo ku byerekeye:

    a) Inzira zo gusezerera burundu ubutegetsi bw’igitugu mu Rwanda no  mu Karere k’Ibiyaga Bigari;

    b) No gushyiraho Leta ishingiye ku mahame ya demokarasi isesuye kandi yubakiye ku ndangagaciro z’Ukuri, Ubutwari n’Ugusaranganya  ibyiza by’igihugu;

Ubuyobozi bw’Ishyirahamwe Mpuzamahanga AIPAD (Association Internationale Paix et Démocratie) bwatumiye batanu mu Bayobozi b’Ishyaka rya politiki rishya ryitwa  ISHEMA PARTY kugirango bahurire n’ Abanyarwanda, Abarundi , Abanyekongo n’abandi babyifuza,  mu mugi wa Bruxelles :

* bazaganira, *bungurane ibitekerezo, *bajye impaka zubaka, *basabane,

*bidagadure, *biyibagize ibihe bibi babayemo,*bashushanye igihugu cyasubiza ishema Abenegihugu bose nta vangura.

Uwo muhuro uzaba:

* Ku CYUMERU,

*TALIKI YA 28 /04 /2013,

*Guhera saa munani (14h) kugeza saa yine z’ijoro(22h).

Ni  muri  Salle Excelsior 

                Rue Eloy 80 

                1070  Anderlecht

                Belgique

(Abazi kwita ku :

*Umuziki ususurutse,

*Akabyeri gakonje,

*Ka brochette gasobanutse …

…bazaba babukereye).

Abayobozi b’andi mashyaka ya politiki bifuza kuganira kuri  « stratégies » zo kubohoza u Rwanda n’Akarere k’Ibiyaga Bigari ku ngoma ya ba Gashozantambara, batumiwe ku buryo bw’umwihariko.

Ntimucikanwe.

Pierre Alexandre Muzungu,

Umunyamabanga Nshingwabikorwa wa

Association AIPAD. 

 Yanitse iminsi …

Nta gitera intimba nko kubuzwa agaciro ka muntu, nta gitera gusuzugurika nko gushyirwa mu buhake. Agaciro ka muntu no kwishyira ukizana bituri muri kamere, ni yo mpamvu tugomba kubiharanira, byaba ngombwa tukabipfira (M.T Cicero, umwanditsi akaba n’umunyapolitiki w’umuromani 105-43 ACN).

1. Amateka arivugira

 Burya koko nta gahora gahanze. Kera tukiri mu mashuli abanza, twakuze buri munsi twumva amakuru kuri radio yerekeranye n’urugomo Gashakabuhake Ian Smith yagiriraga abaturage bo muri Rhodesia (ubu: Zimbabwe), tukabwirwa n’igitutu yaterwaga n’abarwanashyaka baharaniraga kwibohoza ingoma ye y’irondamoko bayobowe na Joshua Nkomo na Robert Mugabe. Uwo Ian Smith yari yarajojobeje bidasanzwe abirabura bo muri icyo gihugu, akavugwa cyane ku buryo hari umunyarwanda wigeze kumwandikaho byendagusetsa ivuga ko ngo uwo gashakabuhake “yanitse iminsi”.[1]

Twakuze kandi dusoma ibitabo by’abanditsi benshi, bagaragaza akarengane kagirirwaga abirabura batuye muri Afrika y’Epfo, birimo “I am not a free man” na “Mine boy” byanditswe na Peter Abrahams wari utuye muri icyo gihugu gikandamiza abantu, akaba yarakomokaga muri Ethiopia. Nta munsi n’umwe wiraga tutumvise amarorerwa ingona P.W. Botha (die Groot Krokodil) yagiriraga umwirabura w’ahongaho wese, maze abanegihugu bagafatwa nk’ingaruzwamuheto, ku butaka bw’abakurambere babo. Ariko na none uko twumvise ayo makuru, nta na rimwe izina ry’abantu nka Kenneth Kaunda cyangwa Samora Machel cyangwa se iry’ibihugu byabo ryavugwaga kuri Radio Rwanda hatibukijwe ko bari “inkwakuzi mu gutera inkunga abarwanashyaka baharanira kubohoza Afrika y’Amajyepfo…”

 Ayo magambo yari yaratwinjiye mu mutwe maze turayakurana, agatuma duhora twibaza niba koko iyo ngoma ya Gashakabuhake kuyirwanya hari aho bizarangirira. Kandi inkeke twari dufite ntizari zishingiye ku busa kubera ko abari ku isonga mu gutera inkunga Gashakabuhake Botha, ari bo Margareth Thatcher na Ronald Reagan, n’ubwo bo batavugwaga muri ayo makuru, bategekaga ibiguhu by’ibihangange ku isi ku buryo kubirwanya kwari nko kwiyahura. Baca umugani mu Kinyarwanda ko “uhagarigikiwe n’ingwe avoma “: aba bayobozi babiri bashyigikiye irondamoko bakoresheje ingufu zose ububasha bari bafite bwabemereraga, maze Gashakabuhake si ukuvoma, abirabura abatoteza nta cyo yikanga. Muribuka nka Reagan ko yakoresheje veto yemererwa n’ububasha bwo kuba ari perezida maze agakumira itegeko rigamije gukomanyiriza ingoma ya Gashakabuhake kandi ryari ryatowe n’abahagarariye rubanda n’abahagarariye za leta ziyunze (both Houses of the Congress). Thatcher we yavugaga ko ba Mandela n’abandi badashaka kwemera ko umuzungu abogeraho uburimiro uko ashatse (ngo kuko abarusha ubwenge akaba afite uburenganzira bwo kubategeka uko yishakiye) ari aba “terrorists”.[2]

Thatcher uwo, ari we witwaga umugore w’icyuma kubera kutava ku izima, nk’uko mubizi yaherekejwe ejobundi, bamwe bamurira bamuha n’ibyubahiro byinshi, abandi bishimira urupfu rwe kubera ibyinshi by’amarorerwa yabakoreye. Reagan we yaramubanjirije, agenda mu cyubahiro cyinshi, ku buryo ahubwo na n’ubu Abanyamerika benshi izina rye baracyaryirahira (ikibuga cy’indege cyo mu murwa mukuru wa Amerika cyaramwitiriwe, ndetse hari n’ubwato bunini cyane bugwaho indege z’intambara bwamwitiriwe muri 2001). Inshuti yabo P.W.Botha na yo yarinze isubira ikuzimu yaranze kuva ku izima,igishyigikiye ivangura ry’ amoko (apartheid). N’ubwo yapfuye abirabura baramaze kwibohoza ingoyi yari yarabazirikishije, baramuretse akomeza ibitekerezo bye by’ubugome, akomeza kumanika ibendera ry’irondamoko mu gipangu cye, yanga no kuza gutanga ubuhamya mu nama y’ubwiyunge yari yashyizweho mu 1998. Ashaje na bwo, yagiye ikuzimu mu mahoro mu 2006 asanga abandi bicanyi nta muntu umuhohoteye! Ian Smith, ingoma ye ya Gashakabuhake yararangiye arakomeza aba umudepite mu gihugu, kugeza igihe abuvuyeho asubira mu mirima ye, ayivamo  ku bushake bwe agiye gutura muri Afrika y’Epfo, aho yaguye muri 2007.

Abo bose baharaniye ingoma ikandamiza rubanda,  ububasha bwabo bwararangiye, ntihagira ubihimuriraho. N’ubwo abashyigikiye ingoma ya Gashakabuhake ari benshi, kandi bamwe muri bo bakaba banakiriho batanava ku izima, nyuma y’uko ingengabitekerezo yo kwironda imariye guhinyuka, na ziriya nkwakuzi mu kuyishyigikira zikaba zatashye ikuzimu, umuntu yakwizera ko urwibutso rw’iyo ngoma rugiye burundu nk’ifuni iheze. Nta gahora gahanze rero, urugomo rwa Yanitsiminsi n’urwa Botha twumvaga ko rutazashira, abakiri bato n’abazavuka bazajya barusoma mu bitabo by’amateka bibaze niba koko rwarabayeho, bamwe bakeke ko uwabyanditse ahari yaba yarashyizemo amakabyankuru. Ririya kandamizwa, n’ubwo akarengane ryateje na n’ubu kakiriho kandi katazarangira vuba kuva ubu rizabaho mu mateka gusa.

 Ubu iyo umuntu arebye mu mihanda y’i Cape Town, ahabona abazungu bahadabagirira batishisha, abirabura nabo bakahisanzurira nta wongeye kubakumira akibaza ibyahakorerwaga ku ngoma ya Botha niba bitari ubusazi. Ariko kugira ngo uburiganya bw’ivangura ry’amoko buhirikwe, habaye ah’abagabo pe! Iyo umuntu asesekaye i Johannesburg, akareba ubwo bukire bwose Gashakabuhake yari yarikubiye, akabukumiraho abandi benegihugu, yibaza uburyo abirabura bashoboye kwibohoza iriya ngoyi agashoberwa. Habaye ah’intwari nyinshi. Uko ba Steve Biko bitanze, ba Walter Sisulu, ba Oliver Tambo, ba Tutu, Winnie Madikizela n’abandi benshi, hamwe na za nkwakuzi zabateye inkunga si ngombwa kubisubiramo.

Gusa n’ubwo ingoma ye itakiganje muri Afrika y’epho, Gashakabuhake we ntaho yagiye kandi afite amasura menshi. Umugabo Pyrrhus ni we wigeze kuvuga ko yagowe kurusha abandi kuko ingabo yarwanaga nazo, uko yazitsindaga yabonaga ababisha bohereje izindi zirutaho. Nuko aza kuvuga ati nagowe kurusha cya gihangange cyarwanye n’ ikiyoka cy’imitwe myinshi cyacibwaga umutwe umwe kigashibuka indi ibiri (Hydra). Urwanya amatwara ya Gashakabuhake na we aba asa n’urwana n’icyo gikoko,  agira ngo ubwironde n’ubwikanyize buratsinzwe, yaba atari yahumbya agasanga bwahawe intebe ahandi.

2. Ingoma y’irondakoko yahinyuwe muri Afrika y’Epfo n’ahandi henshi ubu yarimakajwe mu Rwanda.

Ubu abavukarwanda baniganywe ijambo mu gihugu cyabo bagahohoterwa, bagakonwa, bakarandurirwa ibihingwa, bakabuzwa kwiga mu cyayenge, ariko kubera gukangwa no guhozwaho amaso y’intasi z’agatsiko (LDF), ntibatinyuka no kuvuga ikibari ku mutima ngo baticwa. Ubwo rero nta watinya kuvuga ko ingoyi ibaziritse ifite ibimenyetso byinshi biranga ingoma ya Gashakabuhake. Kimwe mu byatumaga abazungu muri Afrika y’amajyepfo bashyigikira iyo ngoma, kwari ugushaka kwikubira ibyiza by’igihugu n’umutungo wacyo. Ukwikubira ubu ni ko kuranga u Rwanda. Aho umuntu ageze hose muri Afrika, yumva barata u Rwanda ngo rwarakize, ngo Kagame yazanya amajyambere adasanzwe, ariko mu by’ukuri twe tuhatuye tuhazi neza, tuzi uburyo  ubwo bukire buratwa ku isi hose bwikanyijwe n’agatsiko gato, twe tukaba dusigaye twizirika umukanda wa buri gihe, kuko na kenshi imyaka twateye baza kuyirandura ku ngufu ngo hahingwe imyaka Kagame ashaka. Ayo ni yo majyambere batuzaniye. Kagame aherutse kunyura i Harvard, muri ya kaminuza izwiho ko yigwamo n’abahanga (Ivy Ligue), avugira imbere y’abanyeshuli bari aho ati “u Rwanda rurakize rwose hari n’ubukire bw’amabuye y’agaciro natwe ubwacu tutari tuzi ko dufite”. Ariko twe tuzi aho ayo mabuye y’agaciro ava, duheruka twohereza abana bacu ku rugamba bajya guhotora abaturiye ibyo bisimu. Ayo mabuye si twe akijije ahubwo twebwe araduhekuye. Uhubwo icyo tubona ni uko abana bacu tutakibabonera n’amafranga y’ishuli, kandi na bo bakaba basigaye biga mu mashuli ameze nk’inganda z’urujijisho, aho barinda barangiza kaminuza batazi no kwandika ikinyarwanda.

Dore ikindi kigaragaza ko iyi ngoma yikubira ibyiza nk’iya ba Botha: mu mpanvu abirondoraga ku ngoma ya Gashakabuhake bashyiraga imbere ngo bumvikanishe ko ubukire bikwijeho babukwiye nta karengane karimo ku babuvukijwe, bemezaga ko burya abazungu bafite ubwenge n’ubushobozi bw’ikirenga abirabura badashobora kugira. Bakanemeza ko abirabura ari abanebwe, bakena kuko badashaka gukora, bakanavuga ko ari na yo mpamvu bidatangaje ko umuzungu yiharira imyanya yose y’ubutegetsi kuko bayihaye umwirabura byose yabizambya. None mu Rwanda iyo umuntu yibajije impamvu Agatsiko kamwe ari ko kiharira imyanya y’ubutegetsi, asubizwa ko ngo abayifite bayibonye kubera ubutwari n’ubumanzi barusha abandi, ko bakoze za interviews bakazitsinda , ko nta vangura ririmo ! Abaniganwe ijambo bivugwa ko ari ukubera ko badashoboye cyangwa bakaba bafite ibitekerezo bitanoze. Ubwo bumanzi buba mu Gatsiko kamwe k’abiyita “Umuryango” bunyibukije na none ubwishongore bw’ abandi bantu biyitaga imanzi (Patricii) twabwiwe twiga ikibonezamvugo cy’ururimi rw’Abaromani, aho abo ba Patricii bishongoraga cyane bavuga ko ari bo bonyine bavukiye ingoma. Umunsi umugaba w’ingabo (consul) L. Genucius wakomokaga muri rubanda (plebs) yayoboye igitero akagira ibyago akagwa mu mutego w’umwanzi, aho kubabazwa n’uko ingabo zabo zaneshejwe bariyamiriye bati “ngaho (abaturage) nibagende batore abagaba muri rubanda ubwiru bwo kuragurira ibitero babuhe bariya bateramwaku, maze bibonere ishyano rizagwirira igihugu…”[3]

Ibi biragaragaza ko udutsiko dutsimbaraye ku butegetsi, aho turi hose dushaka kubwikubira n’ibyiza by’igihugu, buri gihe duhimba impanvu zo kugerageza kumvikanisha ko dufite ubumanzi abandi badafite. Abagereki bajya guhimba ijambo bise aristokratia, na bo ni ibyo bari bagamije bavuga ngo abaruta abandi ni bo bakwiye gutegeka, abandi bakaba abo kubahiriza gusa.[4] Iyo ngoma yihariwe n’izo mfura z’abaromani rero ntibyayibujije kurangira, ubutegetsi bakemera kubusaranganya na rubanda. Kandi abagaba b’ingabo baturuka muri rubanda, baje kugaragaza ubutwari buhesheje ishema igihugu cyose, nk’ubwagaragajwe na C.Marius, igihe yatsindaga ibitero bikomeye by’ababisha baturutse mu majyaruguru bayogozaga ibintu, maze ubutwari bwe bugatuma igihugu cye kigira agahenge. Ingoma ya gikolonize muri Afrika nayo yaje guhinyurwa no gusezererwa (n’ubwo abari barayimitse bashatse ubundi buryo bwo gukomeza kudukandamiza no kudusahura), ku buryo ubungubu nta muntu wakongera kwihandagaza ngo avugire mu ruhame ko ashyigikiye ko abakolonize bagaruka ngo badutegeke kubera ko ngo baturusha ubwenge. Amategeko avutsa abirabura uburenganzira bwabo yabagaho muri Leta Zunze Ubumwe za Amerika (Jim Crow laws) yarasezerwe n’ubwo atakuyeho urugomo rwose abazungu batava ku izima muri icyo gihugu na n’ubu bakomeje kugirira udasa na bo.

Mu Rwanda rero Kagame we akomeje “guhiga yanika iminsi”, ngo ubupfura bwe n’ubumanzi buzamugumisha ku ngoma ubuziraherezo. Ian Smith se we yari yaranitse mike? Icyatumye ziriya ngoma zindi z’ubwironde zisezererwa ni uko hahagurutse abantu b’intwari bakazamagana, bakerekana ibinyoma byazo, bakanatinyura rubanda kuzamagana. Siniriwe mbibutsa uko ubukolonize bwarwanyijwe, sinasubira mu bigwi bya ba Nzinga, Shaka, Nkrumah, Franz Fanon, Kenyatta, Amilcar Cabral, Lumumba n’abandi namwe mwese muzi ngo mbibonere umwanya. Uko Gashakabuhake yarekuye ingoma muri Namibiya no muri Afrika y’Epfo, Mandela agakurwa mu buroko, byo bibaye ejobundi abenshi muri mwe mureba, muracyabyibuka, kandi hejuru aha nibukije muri make ko habaye ah’intwari zitanze. Uko umutegarugori Rosa Parks yanze kwemera agasuzuguro k’ivanguramoko muri Amerika, akabera abandi urugero mu gutangira imigambi yo kurwanya amategeko abakandamiza yagenderwagaho, na byo mushobora kuba mubyibuka. Ingoma mbi rero nta na rimwe yikuyeho abantu badahagurutse ngo bayamagane.

Ikindi cyatumye izo ngoma zigera aho zigahirima n’ubwo abari baziyoboye n’abari bazishyigikiye bazitsimbarayeho cyane bakazirwanirira nta cyo basize inyuma, ni uko ikinyoma zari zishingiyeho cyaje kugaragara, kuko kitashoboraga kubeshywa abantu iteka. Ikinyoma cy’ubukolonize cyatahutse mu ntambara ya kabiri y’isi, aho abari badukandamije bashatse kujyana abasirikari b’abirabura ku rugamba rw’i Burayi ngo babafashe gutsinda umwanzi. Abo birabura bageze i Burayi baje kurwanya abadage, babonye umusirikari w’umuzungu wari warabajojobeje nawe yicwa nk’isazi ku rugamba kandi yari yarigize ikigirwamana muri Afrika batahura ikinyoma. Aho batahiye iwabo muri Afrika intambara irangiye rero babwiye bene wabo bati “ba bantu bigize akari aha kajya he, iwabo i Burayi na bo barahatesekera bigacika, si ibimana nibareke kudukandamiza”.

Ikinyoma kidukandamije rero natwe i Rwanda, ni uko abayobozi ba kariya Gatsiko kagundiriye ubutegetsi na bo bigize nk’ibigirwamana kubera ko bahagarikiwe n’ingwe. Kubera inyenyeri biyujuje ku ntugu barica bagakiza ukagira ngo nabo bakoze mu cyuma nka Thatcher. Erega n’icyuma ni hahandi umugese ugera aho ukagishegesha! Nta gahora gahanze rero na twe tugomba gushiruka ubwoba ikinyoma tukacyambika ubusa. Bariya bantu badukanyaga buri munsi bakatubuza ihumekero, tugomba guhaguruka tukagaragaza ko atari ibimana, kandi ko badashobora kuzatura nk’umusozi. Ntimwabonye se ejobundi umwe muri bo wari warigize indakorwa, yumva ko Kivu yose ari we ugomba kuyitegeka, none akaba yarageze imbere y’ubutabera ati “uretse ikinyarwanda cyo mu Kinigi, nta rundi rurimi nashobora gukoresha mu kuburana”! Ubwo se mbere y’uko afatwa, ko yari yarigwijeho amapeti nk’ay’umwami, yumvaga gutegeka miliyoni z’abanyekongo batazi ikinyarwanda azabishobora ate ? Bariya bandi rero nabo bigize ibigirwamana, nibamenye ko iminsi itababarira, kabone n’ubwo baba baranitse ingana ite, ukuri kwabo kugiye kumurikwa kuko uguhagarikirwa n’ingwe ntibakurusha Botha, Smith, Bokasa, Mobutu, Saddam Hussein n’abandi.

 3. Inkubiri y’impinduramatwara, ngiyi isingiriye u Rwanda !

Iwacu mu Rwanda rero, na twe igihe cyo guhaguruka kirageze, tukagaragaza ko turambiwe ubwicanyi n’agasuzuguro gakorerwa umunyarwanda uwo ari we wese, tukemeza kandi ko nta na rimwe dushobora kuzongera kubyihanganira. Nk’uko amagambo y’uriya muromani Cicero abanjirije iyi nyandiko abivuga, kuba mu bucakara birutwa no gupfa duharanira ko Ishema ryacu tutaryamburwa. Ubwo ariko mu guharanira ubwo burenganzira bwacu, tukabikora mu ituze, tutagombye kugira uwo duhutaza nkana kuko tugomba kuba intangarugero mu kubahiriza ubuzima bw’umunyarwanda n’uburenganzira bwe, bityo buri wese akabona ko amatwara mashya Ishema ry’abanyarwanda ryifuza gusesekaza mu gihugu azamurutira kure ipfunwe ahorana n’ikinyoma bamuzirikishije gituma adatinyuka kuvuga ikimuri ku mutima. Byaba biteye isoni, ukurikije uburyo abakolonize na ba Gashakabuhake badukandamije batuziza ko turi abirabura kubona natwe abirabura dukandamiza abandi. Iyo ukandamije umwirabura, cyangwa ikindi kiremwa muntu icyo ari cyo cyose uba wikururiye umuvumo n’agasuzuguro. Tugomba no kwiyibutsa ko kuba abazungu bubahana hagati yabo bigomba kutuburira: iyo dukandamizanya, baradukwena ndetse akenshi akaba ari na byo baheraho batubuza ituze banadusahura mu cyayenge umutungo dufite. Amategeko atubuza ihumekero rero tugomba kuyasezerera burundu kuko amategeko abereyeho kunoza imibereho n’imibanire y’abaturarwanda, si abantu babereyeho amategeko.

Iyi rero ni imwe mu mpamvu nyinshi zatumye tubona ko ibitekerezo Padiri Thomasi Nahimana, na bagenzi be bafatanyije kugaragaza imigambi yo kugarurira abanyarwanda ishema, ari ibyo gushyigikirwa na twese. Twebwe ndetse tubona Ishema atari ishyaka nk’aya yandi asanzwe aharanira kujya ku butegetsi, tukumva ahubwo ko ari ihuriro ry’abantu bose bifuza ko guhohoterwa no kuniganwa ijambo mu gihugu cyacu bikwiye kurangira, ubwikanyize bwa bamwe bugahoshwa, kuko ububasha n’ubwisanzure (sovereignty) bw’abanyarwanda atari Agatsiko kabutanga ahubwo buvukanwa na buri wese. Kariya Gatsiko karabushimuse ahubwo abanyarwanda bagomba kugasaba ko kabasubiza uburenganzira bwabo, ko kandi atari ibyo kwingingira uwabubanyanganyije. Ariko na none icyagaragaye mu mateka, ni uko ingoma mbi y’agatsiko kamwe iyo ihiritswe n’akandi gatsiko gakoresheje ingufu, abaturage atari bo bihagurukiye ngo bayivaneho, ni hahandi ako gatsiko gashya na ko gashyiraho indi yako, maze ingoma mbi zigasimburana.

 Ibyo rero ni byo Padiri Thomas na bagenzi be bo mu Ishema ry’u Rwanda bagaragaje ko bidakwiye kubaho ahubwo ko ingoma mbi igomba gukurwaho n’abanyarwanda twese dufatanyije kugira ngo dushyireho ubutegetsi butunogeye, budashingiye ku kandi gatsiko cyangwa ku zindi nyungu za bamwe. Abanyarwanda rero bakwiye gutangira kumva ko ingoma zibakandamiza zigomba kujya mu mateka, guhera ubu hakajyaho inziza ibaboneye. Iyo ibanogeye izajyaho ariko ari uko bahagurukiye icyarimwe bakavuga bati ibi bibi turabirambiwe, nibiveho twishyirireho ubutegetsi budukwiye. None se, ubutegetsi budukona, bukaturandurira imyaka, bukadukenesha, bukabuza abana bacu kujijuka, bukaduhozaho ijisho rya local defense ngo tutinyagambura, dutegereje iki ngo twumve ko bugamije kuturimbura? Ni yo mpamvu umuntu wese wifuza igihugu kimunogeye agomba kugira uruhare mu kugihindura, akagira n’ijambo mu gushyiraho imitegekere yacyo mishya. Ibi bikaba bivuga ko ubutegetsi bunogeye u Rwanda buzashoboka ari uko abantu b’ingeri zose bashirutse ubwoba bakishyira hamwe bagasaba ko ibintu bihinduka.

Ikindi twifuza kugaragaza cyane muri iyi nyandiko ni uko ikandamiza, ryaba iri ribera mu Rwanda cyangwa iryaberaga muri Rhodesia na Afrika y’Epfo mbere, ribangamira bose, ndetse n’ababonwaho ko ari bo rishyize ku ibere. Ahubwo n’abari mu gatsiko ubwabo rihora ribahangayikishije kuko buri gihe baba bibaza niba umunsi ubutegetsi batakibufite abakandamijwe batazabihimuriraho. Ibyo akenshi bikaba ari byo bituma bahora bakora ibishoboka byose ngo bahore babugundiriye. Hari n’abandi benshi banga kwifatanya n’Agatsiko kandi ko gashaka kubakundwakaza, kuko umutimanama wabo ubasaba kuba inyangamugayo. Urugero rw’ibyo ni  nka Yanitse iminsi : yari afite umwana w’umuhungu umwe rukumbi, ariko aho kugira ngo ashyigikire amafuti ya se, yahisemo kumuta yigira mu bwongereza, kuko we yari ashyigikiye ko abenegihugu batakomeza guhohoterwa no kugirwa ingaruzwamuheto iwabo. Ingoma ya Gashakabuhake muri Afrika y’epfo na yo hari abazungu benshi bayirwanyije kandi imigambi yari ifite yari iyo guharanira ko ari bo bahozwa imbere. Hari benshi mu bo yashyize ku ibere rero bayanze, kuko umutimanama wabo wabumvishije ko kuriganya ikiremwa muntu ukakivutsa imigisha nta maronko ashobora kuvamo. No mu kurwanya ivanguramoko muri Amerika, abazungu babigizemo uruhare rukomeye n’ubwo bo batakandamizwaga.

 Gushaka ubutegetsi budahohotera umunyarwanda rero ntibireba abakandamijwe gusa, bireba buri wese wifuza kuba mu gihugu kiboneye. Igishimishije mu kwamagana ubwikanyize bw’agatsiko mu Rwanda ni uko na ho hari benshi b’inyangamugayo, banze kuba mpemukendamuke, bagakurikira umutimanama wabo ubabwira ko batakwishimira gushyigikira ubutegetsi buniga rubanda, kabone n’ubwo bo ku giti cyabo bwaba butabibasiye. Abenshi muri mwe mwaba mwarabonye ubuhamya bwatanzwe n’umutegarugori witwa Uwizeye Kansiime, umunyamabanga mukuru w’ishyaka PS Imberakuri, wiyemeje guharanira ukuri akemera no kubizira, kandi yarashoboraga kwinumira, ndetse akaba yanarashoboraga no kwishakira umwanya mu Gatsiko nawe akakabamo kuko yabaye i Buganda kimwe na benshi mu bakarimo. Ariko yahisemo kwitangira kubohoza abanyarwanda, yiyemeza gushyira ikinyoma cy’Agatsiko ku gasi. Ibitekerezo nk’ibyo rero by’abantu bashira ubwoba ni byo bizahesha u Rwanda Ishema. Ubuzima bw’umwana w’umunyarwanda, ndetse n’umuturarwanda uwo ari wewese, bugomba kugirwa indahangarwa (sacro sanctus). Guhohoterwa no gucecekeshwa bigacika burundu mu Rwanda. Uhohoteye umwana w’umunyarwanda, yaba uw’umututsi, uw’umuhutu, uw’umutwa, uw’umwarabu cyangwa se uw’umuhindi n’umushinwa uba mu Rwanda, akabiryozwa n’amategeko. Nka twe twiciwe tugahekurirwa, byatumye turushaho kumenya kubahiriza ubuzima, ntidushaka ko hagira umunyarwanda wongera guhohoterwa cyangwa koherezwa muri Kongo guhohotera abahatuye no kuyogoza igihugu cyabo.

 Buri wese mu Rwanda rero akwiye kureba urugero rw’uyu mutegarugori, na we agashiruka ubwoba agaharanira ko iriya ngoma y’uburiganya yavaho, ariko ntisimbuzwe n’ubundi buriganya ahubwo igasimburwa n’ubutegetsi buboneye abaturarwanda bose. U Rwanda rukaba igihugu umuntu wese agendamo nta cyo yishisha. Bariya bategetsi rero nabo bakomeje kubugundira bagombye kumva ko icyo twifuza atari ukubihimuriraho. Bibaye ibyo kwihimura nta cyo twaba tubarushije. Ubutegetsi bunogeye u Rwanda dushaka ahubwo na bo buzabakiza imihangayiko bashobora kuba bahorana ngo none nitubuvaho tuzamera dute? Niba Botha yararetswe agasaza mu ituze n’ibyo yakoze byose, Ian Smith akarinda asaza nta we umwendereje, simbona impamvu twe mu Rwanda tutazana ayo matwara, byaba ngombwa ahubwo tukanayahindura umuco, tugahumuriza abashyigikiye ukwikanyiza bakabireka, bakumva ko ubwikanyize na bo ubwabo bwababereye ingoyi kandi nta mpamvu yo kubukomeza nk’uko urugero rw’ Afrika y’Epfo rubyerekana.

 Isomo rindi dukwiye gukura kuri bariya bantu bashyigikiye ivangura ry’amoko muri Afrika, bakaba bose barashyinguwe mu ituze kandi barakoze amarorerwa, ni uko ibikorwa by’abantu bitaboneka kimwe kuri buri wese kandi ko kwibwira ko ukuri umuntu abona azakumvisha abandi bose ari intego iruhije gosohoza. Iyo biba byashobokaga, ibyo Thatcher yagiriye bene wabo akabajujubya ubu aba yarabibajijwe. Yigendeye nta muntu umukozeho. Iby’abo Bush na Blair bicishije muri Iraq ku butiriganya, ubu baba baratangiye kubibazwa kuko ubu byagaragajwe ko Bush yacuze umugambi wo gushoza intambara ya petrol ku bwende. Abo nabo bazarinda bisazira ku ituze nta we ubatunze n’urutoki. Kugira rero ngo hano iwacu i Rwanda tuzatere imbere, tugomba kwiyibutsa ko urugomo rw’iyi si rwose nta washobora kururandura ngo arumare. Ahubwo  icyo tugomba guharanira ni uko nta muntu wongera guhohotera abandi duhereye ubungubu. Niba Abadage n’Abafransa ubu bafatanya bikaba byarabateje imbere, n’intambara zose barwanye z’urudaca, twebwe kuki umujinya no gushaka kwihimura byakomeza kutuzitira no kuduheza mu butindi? N’ubwo twifuza ko abicanyi bose bashyikirizwa ubutabera bw’ukuri, tugomba kuzirikana ko n’ubwiyunge twifuza akenshi buzajya budusaba kurenzaho. Abere si bo biyunga kuko nta kibi kiba kibatandukanya. Hiyunga abahemukiranye, bakiyunga kuko bemeye ko ibibi bibatanya uko byaba bimeze kose bitakagombye kubavutsa ibyiza byinshi bashobora kugeraho baramutse bongeye guhuza inama bagafatanya. Ibi ntibivuga ko ubutabera butagomba gukurikirana abanyabyaha n’abicanyi bushoboye gushyikira, ahubwo bivuga ko umuco wo gushaka kwihorera ku bibi byose byakozwe tugomba kuwutekerezaho tukareba niba utatudindiza. Bitabaye ibyo twazasanga twaragarutse ku ngoma ya Kigeri IV Rwabugiri, wamaze ubwami bwe bwose mu kwihorera.

Ngaho rero bana b’u Rwanda nimushiruke ubwoba, igihe cyo kwanga gukandamirizwa mu gihugu cyanyu kirageze.

Dr Alexis Habiyaremye.

[1] Uburyo iri zina ry’uyu muzungu risomwa mu kinyarwanda n’iriya byendagusetsa bivugitse kimwe.

[2] Ikindi Thatcher azwiho ni ukuba yarashyigikiye Saddam Hussein wa Iraq. akanamufasha kubona intwaro za kirimbuzi yicishije aba kurds batuye mu majyaruguru y’icyo gihugu.

[3]Lat. «Irent, crearent consules ex plebe, transferrent auspicia quo nefas est…». Titus Livius, Ab Urbe Condita Libri CXLII, Liber VII.

[4] Ijambo ry’ikigereki aristokratia rivuga ubutegetsi bw’abaruta abandi riva ku magambo aristos (αριστος =abaruta abandi) na kratein (κρατεῖν = gutegeka).

Source: Leprophete.org

La Grenouille qui veut se faire aussi grosse que le Boeuf

Une Grenouille vit un Boeuf
Qui lui sembla de belle taille.
Elle, qui n’était pas grosse en tout comme un oeuf,
Envieuse, s’étend, et s’enfle, et se travaille,
Pour égaler l’animal en grosseur,
Disant : « Regardez bien, ma soeur ;
Est-ce assez ? dites-moi ; n’y suis-je point encore ?
- Nenni. – M’y voici donc ? – Point du tout. – M’y voilà ?
- Vous n’en approchez point. « La chétive pécore
S’enfla si bien qu’elle creva.
Le monde est plein de gens qui ne sont pas plus sages :
Tout bourgeois veut bâtir comme les grands seigneurs,
Tout petit prince a des ambassadeurs,
Tout marquis veut avoir des pages.

*********************Moralité?…

RWANDA : Kurwanya ubukene si ugukona Abahutu ! Dr Alexis Habiyaremye.

Publié le mercredi 24 avril 2013 13:34

1. Kwisumbukuruza

Kera u Rwanda rutari rwaterwa na FPR Inkotanyi  ngo ruzemo umwiryane n’amarorerwa yaruhekuye, twahoraga twumva batubwira ngo igihugu cyacu ni Ubusuwisi bwo muri Afrika. Ngo mu Busuwisi haba imisozi n’ibiyaga nk’iby’iwacu,hakaba amahoro n’ituze nk’iby’iwacu. Kubera ko mu Rwanda rero hatanaba n’imbeho nk’iyo abasuwisi bagira mu mezi y’itumba n’urugaryi, baravugaga ngo ni gihugu kigira “printemps perpetuel” tukumva ko dufite icyo turusha Abasuwisi.

Abatajya i Zurich rero babeshywa byinshi, aho tugiriye umwanya wo gukandagira mu Busuwisi twasanze n’imisozi y’aho idasa n’iyacu, dusanga imigi yabo yubatse akashashe, bafite imihanda ya nyabagendwa ihuza imigi yabo yose ndetse n’inzira za  Gariyamoshi, ugereranyije n’ubutaka bafite mu Busuwisi ni ho ziganje kurusha ibindi bihugu byose by’i Burayi, kabone n’ibidafite imisozi ihanamye.

Figure 1: Ikibuga cy’indege cya Zurich, mu Busuwisi

Mu gihe ibibuga by’indege by’aho indege zihasesekara buri munota, imigi yose ikaba igenderana ku buryo bwihuse(figure 1), iwacu i Rwanda muri icyo gihe, kuva I Kigali ugiye I Cyangugu, umuntu yazindukaga mu museke kugira ngo ajye kugerayo bwije, rimwe na rimwe ahubwo akarara mu nzira atagezeyo. Uko kwigereranya rero kw’u Rwanda n’Ubusuwisi, abenshi bavuga ko ari imwe mu mpamvu impunzi z’abanyarwanda babaga mu Buganda baruteye muri 1990 ! Ariko ubu iyo wumvise uburyo Kagame avuga ko yasanze u Rwanda rwari rumeze, ibihari byose akavuga ko ari we wabyubatse, wibaza niba koko mu by’ukuri hari ishingiro na busa bifite kwisumbukuruza ukagereranya utuntu duto n’ibinini, umugani w’umuhanzi.

Gusa rero Agatsiko ka Kagame kafashe u Rwanda kakaruhinduramo nk’imali yako bwite, uko kwigereranya n’abo batareshya karagukomeje. Mwese muzi ko imwe mu mpamvu Abanyamerika n’abandi  bafashije  Kagame bavuga ko bamwemera n’ubwo imitegekere ye bayikemanga, ngo  ari uko yazanye amajyambere cyane, ku buryo u Rwanda rutakiri Ubusuwisi ahubwo noneho rwabaye Singapore yo muri Afrika.

Niba ukwigereranya na Singapore bivuga ko amajyambere n’imitegekere by’u Rwanda  bigenda bishaka gusa n’ibyo muri uwo mujyi (kugira ngo tutarenganya Kagame reka dufate Kigali gusa abe ari yo tugereranya kuko na Singapore ari umugi umwe atari igihugu kinini), twari dukwiye kongera kwibaza niba tutagereranya ibitagereranywa!  Kuvuga ko Kigali yabaye Singapore yo muri Afrika, uretse ubushyuhe bukabije bubayo bubuza umuntu guhumeka, mu bindi  byose bafite Kigali iramutse ifite na kimwe cya cumi cyabyo  byatuma abatuye Singapore  bayita bakirukira I Rwanda bifuza climat yacu ifutse.

Figure 2: Singapore Parliament + CBD skyline

2.Kwigamba ibinyoma ngo Agatsiko kabone impamvu yo kugundira ubutegetsi.

Icyo Kagame n’Agatsiko bakwiye kwibuka ni uko Singapore yatejwe imbere ikava mu bukene ikagera ku cyiciro cy’ibihugu bikize mu gihe cy’imyaka mirongo itatu 30 gusa. Singapore yabonye ubwigenge muri 1965, muri 1995 yari imaze kuba igihugu kizwiho gutera imbere no kongera ubukungu cyane. Kuva Kagame yafata ubutegetsi muri 1994 ubu hagiye gushira imyaka 19. Ibijya gushya birashyuha ikizabyara Singapore ntikiyoborwa nk’uko u Rwanda ruyobowe!

Mbere na mbere Singapore yazamuwe no kuyoborwa neza, kujijuka kw’abaturage, amategeko n’ubutabera bidakandamiza rubanda no kumenya gukorana neza n’abashoramali b’abanyamahanga.

Icya kabiri, Lee Kuan Yew n’ubwo nawe avugwaho kuba atarahaye abaturage urubuga ruhagije rwo kumuvuguruza, ubutegetsi bwe nta muntu bwigeze buhohotera akageni Kagame yahinduye Abanyarwanda. Lee Kuan Yew ntiyigeze ashoza intambara mu bihugu baturanye, ntiyigeze ajya gusahura umutungo wa Malaysia, Indonesia cyangwa Brunei, kandi bizwi ko ibyo bihugu bifite petroli we atari afite.

Icya gatatu, kiriya gihugu cyazamutse kubera ko cyimirije imbere ibikorwa remezo (infrastructures) bifitiye abaturage benshi akamaro bikanabafasha kuzamuka, aho gushyira imbere amatwara yo gutuma Agatsiko gato gashobora kwigwizaho ubukire mu mwanya muto (simvuze ko muri Singapore nta bantu bigwijeho umutungo). Kigali rero isa na Singapore mu nzozi za Kagame gusa. Nk’uko mureba kuri iki gishushanyo bajya berekana (Figure 3: Kigali city masterplan-2020), Agatsiko kizeye kumvisha amahanga ko kagomba kugundira ubutegetsi kugira ngo u Rwanda (nako Kigali)ruzagere ubwo rusa n’ibihugu bikize.

Figure 3: Uko agatsiko kabona Kigali, n’uburyo kifuza kuyereka amahanga(source: sharerwanda.com)

Ukuri  kugaragarira bose ni uko u Rwanda rukiri igihugu gikennye cyane, rurimo abantu bacyicwa n’inzara: si Ubusuwisi, si Singapore. N’iyo Kigali biyemeje kugira ikirezi, amashanyarazi ngo abura buri minota itanu, yaba yabonetse ngo bamwe bakayabona ari uko abandi bayafungiwe! Uturere tw’u Rwanda twinshi turacyari mu bwigunge kubera ko nta mihanda, nta mashanyarazi, nta bitaro, nta mashuli, nta mazi meza. Kuba umujyi wa Kigali ukomeje kwubakwamo amazu y’abakire, na byo nta wabihakana ashaka kuvugisha ukuri kandi ni byiza (reba ifoto yerekana amazu mashya yubatswe i Kigali, figure 4).

Figure 4: Amazu mashya mu mugi wa Kigali( source: ds-lands.com)

Amazu y’abakire ariko si yo bukire bw’igihugu, si na yo azatuma u rwanda rusa na Singapore.

3.Invugo siyo ngiro

Mu ntego Kagame yavuze ko yihaye ashaka kugeza ku Rwanda (Vision 2020) avuga ko ashaka kuvana Abanyarwanda ku isuka, ngo ubukungu bw’u Rwanda bugashingira ku bumenyi n’ubuhanga (knowledge economy). Aramutse afite n’amatwara yo kugeza iyi migambi myiza Banyarwanda bose, ntawayinenga. Ni nayo mpamvu iyo abibeshye abanyamahanga bamurata ngo dore Perezida ureba kure!! Ariko aho kugira ngo ashore umutungo w’igihugu mu kwigisha urubyiruko ngo rugire ubwo buhanga avuga ko ashaka ko buzaba umusingi w’ubukungu bw’igihugu, arabakomanyiriza mu mashuli ngo hige abana b’Agatsiko bonyine aba rubanda bige muri yayandi abakosha akanabuzuzamo urujijo. Ubwo se yibwira ko knowledge economy igerwaho ari uko intiti z’Agatsiko zize ibyo abandi badashobora kumva ?  Ako Gatsiko se kanaramutse kagize ubwo buhanga buhambaye, bwashyirwa mu bikorwa bute abagomba kubivanamo imirimo ihesha u Rwanda ubukungu baragizwe injiji? Aho se yaba azirikana ko microbiologiste wamamaye Louis Pasteur, wakoresheje ubuhanga akavumbura uburyo bwo kwirinda indwara, agakura abantu benshi mu byorezo byahoragaho, yari yaravutse ku bakene mu misozi yo muri Jura (mu Bufransa). Iyo uburezi bw’icyo gihe bumukumira ngo haziga abana bo mu gatsiko gusa, ubu ubumenyi bw’indwara n’ubuvuzi buba bugeze he? Ubwo bukungu bushingiye ku bumenyi buzagerwaho bute mu gihe abenshi bashyirwa mu bujiji?

Igihugu gishaka gusa na Singapore kigomba nibura kugerageza kumva impamvu iyo Singapore yashoboye gutera imbere mu gihe cy’imyaka mirongo itatu gusa kandi nta muturanyi isahuye. Kigali se ijya kwisumbukuruza kuri Singapore, yabanje nibura igasa na Nairobi ko ari yo iri hafi?

Figure 5: Umuhanda w’i Nairobi

Figure 6: Nairobi uyirebye uhagaze kuri Kenyatta ICC (ahamurikirwa ibintu).

4. Kurwanya ubukene si ugukona Abahutu

Kuba Kagame afite intego yo kubaka Kigali, akayizamura, birazwi hose nta n’uwabishidikanya. Ni nayo mpamvu utundi  turere tw’u Rwanda nta kintu na busa tumubwiye. Ababa mu cyaro bo siniriwe mbavuga, gahunda ye yo kurwanya ubukene yahindutse gahunda yo kwibasira abakene ngo bazarimbuke bashire, agakeka ahari ko ubukene buzajyana nabo. Amara kubabuza epfo na ruguru akabashukisha ibyo tutazi, akabakona ngo batororoka. Ese Kalinga yaragarutse yo kujya yambikwa ibyo bishahu, ko twari tuzi ko yahiriye ku Rucunshu? Kwigereranya na Singapore rero byahindutse andi mayeri yo kujijisha Abanyarwanda n’amahanga, ngo nahamara nibura indi myaka nka mirongo inani(80) u Rwanda ruzaba rumaze gusa na Singapore y’ubu (siniriwe mvuga aho Singapore y’icyo gihe izaba igeze, kuko abayituye na bo baticaye)

 Ubutegetsi bwica abana b’igihugu bukabavutsa ubwenge ngo babe mu rujijo batazagira ubumenyi bagahirika ubutegesi bubakandamije, bwibuke ko n’abiswe ba Kigoryi bahiritse ingoma yari itangiye kubarimburira umuryango. Muri bariya bana b’abanyacyaro bavutswa kwiga (figure 5) ni iki cyatubwira ko hatihishemo uwashoboraga kuzavumbura ikintu gifitiye u Rwada rwose akamaro? Cyangwa ibifitiye isi yose nk’uko Louis Pasteur byamubayeho? Kandi n’ubwo ataba ari mo, igihugu kidakoresha ingufu zishokoka zose z’abana bacyo kiba cyihima mu majyambere.

Figure 7: Abana b’abanyarwanda bo mu cyaro

Abakolonize na bo ni yo mayeri bari barahisemo bibwira ko bazajijisha umunyafrika bakamukandamiza akaramata. Ariko bibuke ko umunyabwenge nka Lumumba bitari ngombwa kunyura mu mashuli yabo ngo aminuze kugira ngo agire ubushobozi bwo kubipakurura (n’ubwo ubwoba yabateye bwatumye bamwica). Ikinyoma rero cyo kwigereranya na Singapore nigihoshe, mu gihe amatwara u Rwanda rugenderaho atwerekeza mu isumbana n’amacakubiri. Amatwara ameze nk’aya Thatcher yakenesheje rubanda akiza agatsiko. Amatwara nk’ayo rero n’abanyamerika ntibakiyemera,uyashyigikiye yatsinzwe mureba.

U Rwanda twe twifuza ni uruha uburezi bw’abana barwo bose umwanya w’ibanze. Ni uruzakoresha ubushobozi rufite rukongera ibikorwa remezo, cyane cyane ibigamije kurukura mu bwigunge (enclavement) kuko ruri kure y’inyanja, bityo bigatuma ari ibintu rugura mu mahanga bihenda Abanyarwanda, n’ibyo rushaka kugurisha mu mahanga na byo bikabura abaguzi bahagije n’inyungu ikwiye kubera ko kubigeza ku masoko mpuzamahanga biba byatwaye amafranga menshi. Imirimo yo gukemura icyo kibazo, ni ukuvuga gushaka inzira idahenze mu bwikorezi ( gari ya moshi) igera ku nyanja (bikigirwa hamwe n’abayobozi b’ibihugu duturanye bifite ibyambu ku nyanja) ni yo igomba guherwaho mu migambi y’amajyambere. Naho ubundi kwaba ari ukwigiza nkana. U Rwanda dushaka kubaka ni urw’amajyambere adashingiye ku kinyoma, atari ayo kwisumbukuruza no kwirarira gusa. Kuko ariya mazu yubakwa mu noti ziva mu mazahabu ya Kongo, si inganda zizakomeza gukora izo nzira nizisibama, si amashuli azatujijurira abana ngo bazashakashake bavumbure ibisubizo by’ibibazo byinshi byugarije u Rwanda.

Nimuhaguruke rero duharanire u Rwanda rugera ku majyambere ahamye, ashingiye ku bitekerezo bishya, atari ya yandi yo kwisumbukuruza ku bo tutangana.

Dr Alexis Habiyaremye.

Source: leprophete.org

Ikibazo kibazwa Rudasingwa na RNC: Nyuma yo kuryamira ukuri no kuryamira amajanja, mwiteguye no kuryamira ubugi bw’intorezo? (Kagame we ntakina! Cfr. Ruzibiza n’abandi tutarondora…) Umwanzuro: Iyo ishyaka riteshutse ku murongo w’ukuri kubera gucibwa intege, biba byerekanye ko iryo shyaka n’ubundi ryari ribereyeho  gushuka abantu! Ni aha RNC guhamya ikinyuranyo…! [NDLR]

26/04/2013 à 18h:04 Par Mehdi Ba

Lire l’article sur Jeuneafrique.com : Rwanda : les introuvables révélations de Théogène Rudasingwa sur l’attentat du 6 avril 1994 | Jeuneafrique.com – le premier site d’information et d’actualité sur l’Afrique
Follow us: @jeune_afrique on Twitter | jeuneafrique1 on Facebook

Igihe kimwe umuhanzi w’umunyarwanda yitegereje uburyo inkumi z’i Kigali zaguraga uko bwije bukeye ibitenge bihenze (cg. ibikwembe kuri bamwe) n’amaburuze y’igiciro (ya T2000?), ni uko ariyamira ati « nk’aya mafaranga ava he koko!? » Ibi birasa n’ibigenura iby’iki gihe ubwo agatsiko ka FPR kari ku butegetsi kirirwa gahuma amaso abanyarwanda, kerekana ko kari kuzamura umunsi ku wundi amagarofa y’ibirahuri muri Kigali, ubundi Gashakabuhake Paul Kagame nawe akaboneraho kwirarira ati nimurebe uko turi guteza u Rwanda imbere, ndetse mu minsi iza turaba turi Singapour muri Afrika! Aha niho umunyarwanda nawe ahera yibaza ati aya mafaranga mukoresha muri « maonesho » arava he, nimutayabona bizagenda bite?! None burakeye FPR  itangiye kandi gushyira igihugu mu madeni y’akayabo, ngo ni ukugira ngo u Rwanda rukunde rukomeze maonesho? Utazi aho imyenda yagejeje ingoma zabanjirije FPR ashobora kwibwira ko abazungu bapfa kurekura ibyo bifaranga badafite umubare muremure ku bihugu bikennye bihabwa iyo myenda! Ni aha ngaha dukwiye guhera tugerageza gusesengura icyo FPR ifite mu mutwe mu kongera guhekesha igihugu inyonjo y’imyenda, bigaragara ndetse ko ari ikimenyetso ko amahanga amaze guterera burundu icyizere ubutegetsi buri mu Rwanda ubu!

Mu minsi ishize hari umwe mu banyapolitiki wa oppozisiyo uherutse gutangaza ko kumva uburyo bwo gukemura ibibazo FPR yateje igihugu bikwiye kujyana no kumva mbere na mbere Geopilitique, kandi koko niko biri. Kuko burya hari n’umugani ugira uti « Nubona imbwa ihagaze mu bushorishori bw’igiti ujye umenya ko hari uwayihamanitse! » Nibyo koko kandi umugani ugana akariho, kuko ubundi mu miterere y’imbwa, iryo tungo  kurira ibiti ku buryo ryagera aho rinagana mu bushorishori byararyihishe. Tubigereranyeje na FPR, umuntu yavuga ko ivogonyo ikwiza mu gihugu nta shingiro na busa rifite. Ntabwo kiriya cyama cyari kwigira akari aha kajya he iyo kitagira ibihugu by’ibihangange bihagaze inyuma. Imyenda rero y’amamiliyoni y’amadorari ahawe u Rwanda muri iyi minsi ihatse iki, iragenura iki?

Ubundi ibibazo by’ubukungu mu rwego mpuzamahanga abavuga ko baharanira imihindukire mu Rwanda bakunze kubyirengagiza, ndetse kubikomozaho rimwe na rimwe ugasanga bidakunze kubaho kenshi. Ibi ntibituruka ku kwirengagiza bene ibyo bibazo by’ubukungu bw’isi, ahubwo biterwa n’uko abashaka guhindura ibintu ibyo bibazo ubwabo batabyumva, cyangwa se birengagiza ku bimenya kuko bikunze nabyo kuba akamenamutwe. Abanenga FPR bari bakwiye byibuze kwemera ko yabashije gucengera ubukungu mpuzamahanga, ikabuvanamo birumvikana igishoro cyo guhaka abanyarwanda. Bityo abavuga ko bashaka guhindura ibintu baramutse badacengeye ikibazo cya geopolitiuqe, bishobora kuba inzitizi ikomeye mu migambi bagamije!

Tugarutse ku kibazo cy’imyenda ubu ibihugu bikennye byari bimaze gusa n’ibigerageza gutera umugongo none u Rwanda rukaba rwongeye kuyishoramo, icyo abanyarwanda bakwiye kumva ni uko ubundi bene iyo myenda ari impano ifubitse uburozi (cadeau empoisonné). Muti bigenda bite rero? Tutagiye mu bisobanuro byinshi kuko aha bisaba ko twakwifashisha abaspecialistes (kandi mu banyarwanda bariho n’ubwo bakunze kwiheza cyane), ni uko ibihugu by’ibihangange byashyizeho uburyo bwo gucunga imari hose ku isi ku buryo inyungu z’ibihangange zibasha kubungabungwa(Ku isonga hakaza igihugu cy’abakapitalistes rurangiranwa aricyo Leta zunze ubumwe za Amerika). Ni muri urwo rwego ibyo bihugu byashyizeho Ikigega cy’imari ku isi (FMI), kimwe na Banki y’isi yose ariyo Banque mondiale. Izo nzego zose nizo zishinzwe gukora controle ku bukungu bw’isi, hagamijwe ko inyungu z’ibihangange zibungabungwa. Ibi bisaba ko igihugu gikennye gishaka kubaho kigomba gukurikiza amabwiriza yose atangwa cyane cyane na FMI.

Ikigega cy’imari mpuzamahanga ari cyo FMI, nicyo gikurikirana imigendekere y’ubukungu bw’ibihugu bikennye, hanyuma cyasanga ari ngombwa kigatanga inkunga, cyangwa se kigasaba Banki y’isi gutanga inguzanyo bita ngo ko ari iyo kuzamura amajyambere. Ni ukuvuga ko iyo agahugu runaka kiyemeje kujyana ubukungu mu buryo bunyuranyije n’amabwirza ya FMI, icyo gihe abayobozi b’ako gahugu baba baraye batiriwe. Ibi nibyo byabaye kuri Habyarimana aho ahagana mu myaka ya 1989 aho yagiraga ingingimira, yanga ko ifaranga ry’u Rwanda rigabanurirwa agaciro ngo ariho  ararengera ububasha bwo guhaha mu baturage b’igihugu cye! Icyo gihe ibya Habyarimana ni ukuvuga ko byari birangiye, uko byagenze nta warubara, FPR yahise ihatera amajanja, ibihugu by’ibihangange nabyo biti muziye igihe nimwe twari dukeneye!

Muri rusange rero icyo politiki ya FMI iba igamije ni iki? Nta kindi kitari ukugira ngo ubukungu bw’isi bugende ku murongo ibihugu by’ibihangange bishaka. Ibi bisobanura muri iki gihe ko igihugu gishaka kubaho kigomba gukurikiza amabwiriza ya capitalisme mondiale (bamwe bita mondialisation) byanze bikunze. Zimwe muri methodes FMI ikoresha nk’uko byavuye mu cyiswe « ecole de Chicago », harimo no kwemerera imyenda igihugu byagaragaye ko gikurikiza amabwiriza y’ibihangange ku murongo, kabone n’aho abaturage b’icyo bihugu bashyirwa ku ngoyi. (Icyo muri ecole de Chicago bise « chock therapie », ni ukuvuga ko imyenda ijyana n’amabwiriza akakaye agira ingaruka zikomeye ku baturage, twavuga nko gusabwa kumanura cyane agaciro k’ifaranga ry’igihugu). Nk’uko kandi byagaragaye, iyo myenda igenerwa abanyeshuri bitwa ko ari beza (igihugu nk’u Rwanda rwa Kagame!), irangirira mu mufuko w’agatsiko k’abantu bake, kandi igafasha mu kwimika politiki yo gukomeza ubutegetsi. Ibi bisobanura ko iyo myenda mishya u Rwanda rufashe nta kabuza rushobora kuzayikoresha mu kugaba ibitero, haba ku banegihugu, cyangwa ku bihugu by’ibituranyi.

Ibyo aribyo byose iby’imyenda ihabwa ibihugu nk’uko twabibonye aba ari impano irimo uburozi. Ibi bivuga ko igihugu gihawe imyenda gishobora kutagera ku ntego( zidashyirwa ahagaragara mu gihe zitangwa). Iyo bigenze bityo, ni ukuvuga ko igihugu cyahawe umwenda biba bigaragara ko ubutegetsi bwacyo buri mu kibazo gikomeye kandi ko haba hari risques ko butagera ku ntego, bityo buba ari ubutegetsi buri mu ya rubamba. Umutegetsi wabaye umugaragu wa capitalisme iyo bigaragaye ko bishoboka ko atazabasha kwishyura, ni ukuvuga ko ubutegetsi bwe buba buri kuvanwaho amaboko, bityo kuzahananturwa igihe kimwe n’ibihangenge bikazaba nk’aho tuvugiye aha. Dufatiye ku rugero rw’u Rwanda, biramutse bigaragaye ni urugero ko abarwanya butegetsi bagize ingufu ku buryo babangamira imigambi Kagame ateganya yo kwishyura imyenda yahawe, icyo gihe ibihugu by’ibihangange bimuhanantura ku ngoma bitamubabariye. Ni uko mu bihugu byinshi hagiye humvikana za coup d’etat no guhindura ubutegetsi ku buryo budasobanutse, benshi ntibamenya birumvikana ko iyo igihugu cy’igihangange kibishaste, ubutegetsi mu duhugu duto guhinduka ni ako kanya.

Mu kurangiza twakwibaza tuti ugukangata kwa Kagame na FPR gushingiye kuki? Ntacyo kuko ari nk’ifu iseye. Ejo cyangwa ejo bundi ibihugu by’ibihangange bibishatse indoto za Kagame zagenda nka nyomberi agasigara yigwa mu migani. Ikimenetso kigagaraza ko binashoboka cyane ni iyi myenda idasanzwe u Rwanda rutangiye gufata. Iyaba Kagame yamenyaga ubwenge, iyi myenda yayikoresheje mu nyungu z’abaturage, yazanavaho agasigara afite icyo azibukirwaho. Ariko uko bizwi Kagame na FPR beteye, iriya myenda izakoreshwa mu rwego rwo gukomeza kugira abenegihugu imbata. Ibyo icyakora ashobora kutazabisoza, kuko bya bihugu bimuhagarikiye bishobora kurenga kuri ibyo byose na none bikamuhirika! Ni uko iyi si iteye, iyi si ntigira inyiturano, uwamenya ubwenge mu bategetsi yagerageza byibuze gusiga inkuru nziza i musozi. Aha ni Kagame na FPR babwirwa cyane cyane!

La Rédaction, Le Médiateur

***************************

Le Rwanda lance un emprunt obligataire de 400 millions de USD (Opinion d’un spécialiste)

Iyo Umukuru yerekeza igihugu mu rwabayanga abaturage basabwa gukora iki?

RWANDA : AFANDE ET AUTRES MOTS-CLES D’UNE DICTATURE

RWANDA : AFANDE ET AUTRES MOTS-CLES D’UNE DICTATURE

15,00 €

---

En 1994 lorsqu’ils investissent la capitale du Rwanda, les vainqueurs de l’Armée patriotique rwandaise du général Paul Kagame ont, dans leurs bagages, des néologismes qui s’imposeront petit à petit dans le langage quotidien des Rwandais. Ces mots, souvent importés, serviront à décrire la gestion du nouveau Rwanda et à le façonner…

---

Quantity:

---

Catégories : Politique.

ACHETER

ACHETER

• DESCRIPTION
• ECRIVEZ, NOUS ÉDITONS
• AVIS (0)

Description du produit

En 1994 lorsqu’ils investissent la capitale du Rwanda, les vainqueurs de l’Armée patriotique rwandaise du général Paul Kagame ont, dans leurs bagages, des néologismes qui s’imposeront petit à petit dans le langage quotidien des Rwandais. Ces mots, souvent importés, serviront à décrire la gestion du nouveau Rwanda et à le façonner.

Le plus utilisé de ces nouveautés sera le terme afande qui signifie « commandant » et s’étend à toute personne détenant une parcelle d’autorité dans le nouveau paysage socio-politique rwandais. Un lexique de mots nouveaux accompagnera une dictature parmi les plus implacables de la sous-région.

Ce livre reprend donc une partie de la rhétorique utilisée par les nouveaux Rwandais et emmène le lecteur sur le chemin qui a conduit ce pays meurtri vers une transmutation aussi inattendue et qu’inespérée.

Rwandais, Pierre Rugero est né en 1965 à Bukavu (RDC). Il est diplômé de l’Institut des Techniques Bancaires de Paris. Il vit aujourd’hui en exil en Europe.

Editions Scribe, octobre 2012
ISBN : 978-2-9601114-3-9
Format 12×18,5cm
258 pages
Prix 15€

Nabyo ni igikorwa cy’ubutwari kubona Gasana atinyuka kunenga imikorere ya RPF no kubiganiraho n’abandi. Kuba modere si ukubiba imbere ya Kagame gusa!

Abanyarwanda baragenda bava mu bwihisho bakaganira bigashyira kera!

Burya nta byago nko gupfukiranwa, ugapfukwa umunwa ku buryo utabasha gufata ijambo no kuvuga icyo utekereza ku bikureba cyangwa se bireba ubuzima bw’igihugu cyawe. Abagabo bagize igitekerezo cyo gushyiraho imirongo y’amaradiyo avugira kuri internet n’abo gushimwa bikomeye. Ibyo aribyo byose ubusa buruta ubusabusa. Kuva FPR yafata igihugu, ikindi gitekerezo kitari icyayo cyaciwe mu Rwanda. Inkurikizi: Abantu baricwa, bagafungirwa ubusa imyaka agahumbi igashira, abaturage bagahohoterwa ubutitsa ntihagire ugira uburenganzira bwo kuba hari icyo yakongeraho. Paulo Kagame mutagatifu na FPR ntagatifu nibo bazi byose, nibo bashobora byose! Na za Kiliziya n’amatorero kera zigishaga Imana, ububasha bw’izumbabyose ubu basa n’ababweguriye RPF. Abapadiri mu makanzu, abapiskopi mu ngofero z’amahembe, abapastori muri kostimu, bose barikubita imbere ya FPR bakaramya, icyubahiro cy’Imana kikaza hanyuma. Habe no gutekereza ku bakandamijwe, uwo murimo barawuretse bihitiramo gutura ibitambo bitwikwa, abandi baterera icyotezo Kagame.

Ibi mbigarutseho muri iyi nyandiko kugira ngo mpe ishimo abanyarwanda b’intwari bagerageje gushaka uruvugiro. Ubu amaradiyo arashingwa hirya no hino ariko atunga mikoro n’abatari bazwi cyangwa bari baribagiranye, akabahamagarira kwitabira demukarasi. Nibikomeza bitya aya maradiyo ashobora kuzagera igihe avugira no ku nyakiramajwi aho kugendera mu rusinga rw’umurandasi, bityo agere no kuri rubanda nyamwinshi. Amaradayo y’ingenzi amaze kwamamara ni « Ijwi rya rubanda » ryashinzwe n’umunyarwanda ku giti cye. Amashyaka FDU-RNC nayo yashyizeho umuyoboro wayo yise « Itahuka! » Aha niho mperutse gutega amatwi ikiganiro hagati ya Anastase Gasana na Enoch Ruhigira ndumirwa! Gasana yakiniye muri defense naho Ruhigira muri surface de réparation kwa Gasana, ariko ntacyo, ubutaha Gasana najya kuganira ubwo azabanza kwiga adversaire bahanganye uwo ariwe yitegure mbere cyane. Kwinjira muri politiki ni ukujya muri public, ahari iyo Gasana adashinga ishyaka ntaba yararinze kwisobanura bene kariya kageni. Na none icya ngombwa ni uko abo bagabo bombi babashije kuganira nyuma y’imyaka iyinga makumyabri ntawe ucira undi akari urutega!

Ikibazo bwite na Habyarimana gikomeje kuba ishingiro rya politiki ya Gasana.

Iyo Anastase Gasana aba umuhutu wa Nduga nk’uko abantu bakunze  gupfa bene ayo mahamba, yari kugaragaza ko ikibazo cye na Habyarimana kijyanye n’irondakarere. Ariko ibyo ntibifata ku ruhande rwa Gasana. Ikindi nk’uko bigaragara n’ubwo Gasana agerageza kubikikira, uyo mugabo yazamutse inzego zose za MRND, kugeza n’igihe ajya mu macommissions ya comite central. MRND imaze kuvugururwa, uyu Gasana yabaye umwe mu basinyateri bayo (numero ya 35). Nyuma yaho Gasana yifuje gushyikiriza umushinga Habyarimana wo kurushaho kuvugurura ishyaka MRND ngo ribashe guhangana mu ruhando rw’amashyaka. Ni muri urwo rwego Gasana yashyizeho inyandiko irimo ingingo zishyiraho umutwe w’interahamwe, urubyiruko rwa MRND! Uwo mushinga Gasana yifuje kuwushyikiriza Prezida Habyarimana ubwe mu ntoki bakawuganiraho imbonankubone. Kubera impamvu zitasobanuwe, Habyarimana ntiyashatse guhura na Gasana imbonankubone, ahubwo asaba diricabinet we Ruhigira ko yakora ku buryo Gasana ibyo abiganiraho n’umunyamabanga mukuru wa MRND wari Edouard Karemera. Nyuma yaho Gasana wari warakoze muri MRND na mbere Habimana Bonaventure akiri umunyamabanga mukuru, uyu Gasana yahisemo gukorera muri opposition (Kurwanya Habyarimana). Ubu Gasana ararahira agatsemba ko atigeze akorera MRND ku bushake, ngo yashyizweho igitugu ukaba wagira ngo bari bamufatiyeho inkota!!! Nyuma rero Gasana uyu yinjiye ishyaka MDR, aba umwe mu bahangana badasanzwe ba Habyarimana (opposant farouche). Nyuma y’aho ibyo muri MDR byabaye isupu Gasana ari umwe mu bayobozi, organisation irabura, demokarasi abavuga ko bayiharanira muri opposition ibura mbere na mbere mu mashyaka yabo bwite. (Nyuma Inkotanyi zigeze ku butegetsi Gasana yaje ubwe gushyira mu ngiro umushinga wo gusesa burundu MDR) Ishyaka ryasigaye rihagaze ritarimo amacakubiri no kwiburamo demokarasi mu gihe cy’amashyaka menshi, mu by’ukuri ni MRND gusa. Amashyaka yayirwanyaga aracagagurana karahava, benshi bakavuga ko ibyo bice byayavukakagamo byaterwaga na FPR yari yarayinjiye. Gasana we icyakora siko abibona, ngo Habyarimana, toujours Habyarimana niwe wababuzaga demokarasi iwabo akoresheje kubasopanya…!

Ibice bya MDR na PL byakomeje kuvurungana kugeza igihe amasezerano y’Arusha asinywe, na nyuma yabo bararyana rubura gica, bamwe bahurira za Kabusunzu bakorana za coup d’etat, demokarasi yavugwaga ikomeza gukendera mu mashyaka ubwayo. Kubera ibyo bice mu mashyaka, inzego za transition zavuye muri Arusha kuzishyira mu bikorwa byahindutse ikibazo gikomeye. Habyarimana yasaba amalistes y’abarahizwa, bugacya Twagiramungu na Uwiringiyimana bazanye iyabo liste, ubundi Karamira na Niyitegeka nabo bagatanga ayabo, hagati aho Nsengiyaremye we agaharanira ko Twagiramungu asibwa mu ngingo z’amasezerano ya Arusha akaba ariwe wandikwa! Habyarimana yakumvikana na Uwiringiyimana kuri liste, bwacya Uwiringiyimana akagaruka azanye indi listi abarwanashyaka bamushyize ku gitutu!

Igihe cyo kurahira kwa Habyarimana ne leta y’inzibacyuho, kugeza n’uwo munsi Gasana na Bagenzi be muri MDR bari batarumvikana ku maliste yo kugabagabana imbehe zivuye Arusha. Ku bwa Gasana ngo Habyarimana yari kwakira liste y’igice yarimo cyakoranaga hafi na FPR, ngo niho yari kuba yubahirije Arusha! Akibagirwa ko abasigaye muri MDR bashakaga kuri izo mbehe nabo bari bariye karungu bayakanuye. Ibyari muri MDR kandi nibyo byari no muri PL yavugagwaho gukorana bya afi na FPR (kuri bamwe ndetse ni ishami rya FPR ryari mu gihugu imbere), aho hazaga liste ya Lando, bugacya hari indi ya Mugenzi! Ibyo byose Gasana ararahira akirenga ko byaturukaga kuri Habyarimana waba warabacagamo ibice. Ibyo aribyo byose gushyiraho leta y’inzibacyuho muri ubwo buryo byabonekaga ko bidashoboka. Nyuma igisa n’ubwumvikane cyaje kubaho hemezwa ko leta y’inzibacyuho yari kurahira tariki ya 9 Mata 1994, ibice byose biri mu mashyaka cyane cyane MDR na PL bimaze kumvikana ku mbehe. Nyuma y’ibyo bisa n’ibigaragaye ko leta y’inzibacyuho iha ubwinshi abashyigikiye Habyarimana no mu mashyaka yavugaga ko amurwanya barimo,  ibyo bitashoboraga na gato gushimisha FPR. Ni uko ku wa 6 Mata Habyarimana aba atumiwe mu nama ngo yo kwiga ku kibazo cy’i Burundi muri Tanzaniya. Gasana we yemeza ko inama yari iyo kwiga ku kibazo cy’u Rwanda, ariko ibyo ni Gasana gusa wari ubizi (abiziranyeho bishoboka na FPR), kuko Habyarimana yagezeyo ahubwo agatungurwa no gutungwa agatoki n’abandi bakuru b’ibihugu ngo ko ariwe uri kunaniza amasezerano ya Arusha. Habyarimana atashye ibyabaye nta wabisubramo…

Ibindi Gasana agarukaho ku giti cye, ni uko Habyarimana asa ngo n’uwamusuzuguraga. Yaba yaranze kumutwara mu ndege ye kabiri kose, kandi ngo iyo ndege ya Prezida ari indege y’igihugu! Gasana wari Ministri w’Ububanyi n’amahanga se yari abuze ubundi buryo bwo kugenda atagiye mu ndege ya Prezida? Ikindi ko bigaragara ko yari yariyemeje kurwanya Habyarimana ndetse agashyigikirana na FPR, Habyarimana yari kumutwara mu ndege ye ngo baganire iki bungurane nama ki? Ibyo Gasana we abibona ngo nk’uburenganzira bwe bwo kugendera mu ndege y’igihugu!!! Nyamara ariko yari akwiye no kwemera ko byamukijije amagara naho ubundi aba yarahanuriwe hamwe na Habyarimna, bityo ibyo kumusuzugura (bishobora kuba byari bifite impamvu) abikesha kuba akiriho!!!

Ni iki umuntu wize nka Gasana yashoboraga gupfa na Habyarimana kugeza aho kumwanga urunuka?

Kumva ikiganiro cya Gasana agirana na Ruhigira, bitera kwibaza icyo umuntu nka Gasana n’abandi bakoze nkawe bashoboraga kwangira Habyarimana urunuka kugeza aho biyemeje kumuhitamo Inkotanyi bakazigabira igihugu. Ibyo aribyo byose nta kaburimvano, n’ubwo impamvu zigarukwaho kenshi ari iz’igitugu, bikomerera aba bose kwerekana aho igitugu cya Habyarimana cyari gishingiye. Kuba hariho ishyaka rimwe iyo niyo yari mode, n’umwe mu barwanya Habyarimana icyo gihe wari guhabwa ubutegetsi mbere nta kigaragaza ko yari guhitamo amashyaka menshi. Ikibazo rero cy’aba bagabo twacyumva dute, psychologie yabo yakoraga ite mu myaka hagati ya 91-94?

Mu gutekereza aha umuntu yakwifashisha ukugereranya Gasana na Ruhigira. Aba bagabo bombi bari barize baraminuza, ndetse baraniganye kandi barangana mu myaka. Bose babaye muri politiki y’ishyaka rimwe, kugeza igihe amashyaka menshi aje buri wese agahitamo irimunogeye. Gasana yabanje kuba MRND, nyuma aza guhinduka ajya muri opposition, naho Ruhigira aguma kuba fidele kuri Habyarimana. Imyifatire yabo bombi nyuma yo guhitamo yaranyuranye. Gasana yikomye cyane Hbyarimana, aramurwanya karahava, naho Ruhigira akomeza imirimo ye mu bwitonzi no mu bufatanye.

Aho umuntu yakwibaza igituma umuntu ashobora kuba umuopposa karundura, mu gihe ubutegetsi buriho mu by’ukuri bitabangamiye inyungu ze, nk’uko ariko bigaragara ku ruhande rwa Gasana. Umuntu yagerageza kumva imyifatire ya Gasana mu rwego rwo gukunda demokarasi, no kwanga gutekereza mu ruhande rumwe gusa. Ibyo nibyo abaharanira demokarasi bose bakunze gufata nk’ihame. Birashoboka koko ko Gasana yaba yari afite amashagaga, ndetse n’amatwara menshi yo kuvugurura MRND, ariko nyuma agasanga asa nk’usuzugurwa, cyangwa ibitekerezo bye bititabwaho. Kuba rero amashyaka menshi yaramwemereraga ubwo burenganzira bwo guhitamo, nta kinegu kuri Gasana cyo kwihitiramo inzira bwite, gusa aho bivamo urwango rudasanzwe kuri Habyarimana nibyo bidashobora kumvikana, kuko kugeza iki gihe ingingo zose Gasana atanga usanga zidafashe na gato. Ni iki rero urwo rwango rushobora gufasha muri politiki Gasana ateganya muri iki gihe?

Ikindi nabwo kitabasha kumvikana mu mikorere ya gasana, ni ubufatanye na FPR bwabaye nko kujijwa bikomeye. Kugeza n’uyu munsi Gasana arasa n’uwemeza ko ntaho yajijwe mu gukorana na FPR. Ibyo ari byo byose Anastase Gasana ntashobora kuvanaho ko Habyarimana yagambaniwe kugeza igihe yishwe FPR ibimwifashishijemo. Kuba yari Dar es Salam ku munsi w’urupfu rwa Habyarimana, agataba Habyarimana mu nama izuba riva agafata position ya FPR, biri mu byatumye abagome bafata icyemezo cyo kurasa Habyarimana. Yabishaka atabishaka rero Gasana azahora abonwa nka complice w’urupfu rwa Habyarimana, kandi icyo ni ikintu kitihanganirwa na gato n’abanyarwanda muri iki gihe. Anastase Gasana akomeje kugira urwango rwe kuri Habyarimana ishingiro rye rya politiki, ibimenyetso byinshi byerekana ko politiki ateganya yazakirwa bigoranye n’abanyarwanda.

Ibikorwa bikomeye bya politiki  Gasana yivugaho ko yakoze usanga biteye urujijo!

Anastase Gasana yagerageje kwerekana mu kiganiro yagiranye na Ruhigira ibikorwa bye muri politiki, ariko igihe cyose Gasana avuga igikorwa gikomeye cya politiki usanga ahubwo birushaho gutera urujijo abamwumva. Umuntu adasubiye mu bikorwa binyuranye Gasana avuga ko yakoze usanga rimwe na bibuzemo urunyiriri (logique), hari muri ibyo kimwe giteye gutangara, ari cyo cyo kwandikisha Faustin Twagiramungu mu masezerano ya Arusha. Kugeza n’uyu munsi abanyarwanda bakomeje kwibaza icyo ibyo byasobanuraga ko Twagiramungu nk’umuntu umwe yagombaga kwandikwa mu masezerano ya Arusha, ibyo ni byo Gasana yasobanuye ko ishingiro ariko uko Twagiramungu ari umukwe wa Kayabanda!!!

Kugeza n’uyu umunsi abanyarwanda bakomeje kwibaza icyari cyihishe inyuma yo kwandika Twagiramungu mu masezerano, none Gasana ahishuye ngo ko yabirwaniye inkundura ngo ku bw’uko Twagiramungu afiteho Kayibanda ho sebukwe. Aha ni aha buri munyarwanda kuba yagira icyo atekereza kuri iyo politiki y’imiryango yari yihishe mu Arusha abantu batabizi! Gusa n’ubwo Gasana yemeza ko icyo cyabaye igikorwa cya politiki gikomeye, ntawabura guhamya ko niba iyo ari politiki koko, yaba ari imwe mu zoretse igihugu!

Kwibeshya bibaho, ariko kudatezuka mu kwibeshya ni ibya roho mbi…!

Kuba Anastase Gasana na Ruhigira Enoch babasha kugira batya bakaganira bagasubira  mu byahise, ni ibyo kwishimirwa, kimwe n’uko Umunyamakuru Serge wayoboye ikiganiro yabikoze ku buryo bwa gihanga, hiyongereyeho kandi n’ugucisha mu gaciro k’undi mutumirwa Bwana Bahunga wari muri icyo kiganiro. Birakwiye kandi kugaruka ku muco w’ubupfura mu biganiro waranze Enoch Ruhigira, kandi ibyo akabikora nta gukikira ukuri. Gusa ku bireba Anastase Gasana, umuntu yagira ati haracyari byinshi byo gukosora, kandi ibyo ntibyashoboka inzika asa n’aho afitiye Habyarimana atayiretse, kuko usanga aricyo gituma ibiganiro bye bimugora, cyane cyane mu kugerageza gusobanura ibitumvikana cyangwa se bidashoboka. Ibyo bituma Gasana ataganira nk’umuntu wiyizeye, ahubwo byumvikana ko ari kuri defensive. Burya kwemera ko wibeshye hari byinshi biruhuraho kandi bigafasha mu kuganira n’abandi. Ni ibyo navuga  muri rusange ku kiganiro cyatanzwe, biboneka ko Gasana Anastase agifite intambwe ndende yo gutera niba ashaka koko kwirinda cyangwa kurinda abo ayoboye mu ishyaka indi mitego y’Inkotanyi.

Mzee wa Bazee

Kabgayi, le 22 Septembre 2012

Mbere yo kugarukira Imana, uyu mugabo yahoze ari marxiste ukaze akaba n’iy’amarere! Ese koko yaba yifitemo indimi ebyiri, cyangwa ni FPR ishaka kumuta mu mutego?

Imbarutso ya byose yabaye ubuhamya bwa Dr Rudasingwa kwa wa mucamanza w’umufransa Trevidic ukurikirana ibyerekeranye n’ihanurwa ry’indege ya Prezida Habyarimana, igikorwa cy’iterabwoba kugeza ubu cyafashweho nk’umwambi wakongeje umuriro mu Rwanda mu 1994. Inkuru igitangazwa n’ikinyamakuru Jeune Afrique ko Theogene yaba yaravuze ubusa imbere y’umucamanza aho gutanga ubuhamya yahagazeho ku wakoze igikorwa cy’iterabwoba kugeza ubu isi yose ibona nk’ubunyamaswa bwahekuye u Rwanda, abanyarwanda hirya no hino bagize bati « Aho re! » Mu yandi magambo ni nko kugira bati « uwabaye inkotanyi ntabihagarika! » Bityo bisa n’ibigaragaye ko abanyarwanda bari barahisemo politiki y’ubwiyunge yo kubabarira ndetse no gufatanya n’inkotanyi zahindutse ngo barebe uko basubiza igihugu ihumure, ko  iyo politiki n’ubundi bamwe batahwemye gukemenga isenyutse nk’ikinunga cy’umusenyi!

Nyuma y’ubuhamya « burimo ubusa » bwa Rudasingwa, abarwanashyaka ba oppozisiyo bari barubatse kuri politiki y’ubufatanye n’Inkotanyi zahindutse ubu barasa nabo n’abahindutse urw’amenyo, ku buryo nta watinya kuvuga ko icyizere bari bafitiwe kigenda kiyoyoka niba kitarayoyoka burundu! Abarwanashyaka ba RNC muri iki gihe baragerageza nabo kwiha akanyabugabo, kenshi bakanabikora ku buryo bugoramye (maladroitement), bigatuma RNC irushaho ahubwo kuhatera isaro. Abakoranye na RNC basaga nk’abahisemo iyo politiki mu rwego rw’ubwiyunge mu gushaka ineza y’igihugu,  ubu ariko barasa n’abari mu kimwaro gikomeye, ku buryo no kwikura muri izo soni bisa n’ibigoranye cyane! Affaire ya RNC rero izarangira ite, izasigira abanyarwanda irihe isomo? Ese umuntu yavuga ko iby’ishyaka RNC birangiriye aha, ni ukuvuga ko nyuma y’imyaka itatu iryo shyaka ryaba rigiye kuzima? Abanyapolitiki ba Oppozisiyo se bari bari barahisemo gutimiza (miser) kuri RNC bazabasha kwikura muri iyi crise? Nibyo dukwiye kurebera hamwe muri iyi nyandiko.

1. Uyu mugabo Tabujeni adufinze iki?

Ese Dr Rudasingwa yaba yaratezwe umutego na FPR akawugwamo, cyangwa ibyo yatangarije umucamanza Trevidic bijyanye n’ibyo yemera ubwe atavugira ku karubanda? Iki ni ikibazo cyakwibazwa nyuma y’inyandiko yasohotse muri Jeune Afrique ivuga iby’ubuhamya bwe burimo ubusa!

Ku babashije gusoma inyandiko ya Jeune Afrique, Theogene Rudasingwa wabaye Umunyamabanga mukuru wa FPR, ntacyo mu by’ukuri atangaza ku byerekeye urupfu rwa Habyarimana wahanuriwe mu ndege. Igisubizo kigaragara mu buhamya bwe ni iki: « Simbizi! » N’ubwo yemeza ko uwafashe icyemezo cyo guhanantura iriya ndege ari Gashakabuhake Paul Kagame ubwe, Rudasingwa nta kimenyetso na kimwe atanga cyerekana ukuri k’ubuhamya bwe. Iyo abajijwe aho yakuye ko Kagame ariwe wahanantuye indege, Rudasangwa asubiza ko yumvise Kagame abivuga ko ariwe wayihanuye! Uretse n’umuntu mukuru, n’umwana wajya mu rubanza, akumva umutangabuhamya avuga ko yumvise umuntu yigamba ko  yakoze icyaha, uwo mwana muto yaruca araramye, kuko yagira ati niba nta kindi kimenyetso ni ukuvuga ko nyir’ugushinjwa gukora igikorwa abeshyerwa! Bityo rero Theogene yashinjuye Paul Kagame ku mugaragaro ku cyaha cyo kurasa indege no guteza genocide mu Rwanda.

Aho ubuhamya bwa Rudasingwa butera urujijo, ni uko ibyo yavuze mu madiskuru ye nk’umukuru w’ishyaka, we ubwe yiyemereye ko afite ibimenyetso byose byerekana ko Kagame ariwe responsable w’igikorwa cyo guhanura indege ya Habyarimana. Rudasingwa yongeyeho ko atari Habyarimana gusa Kagame yishe, ko n’imfu z’abaprezida Ndadaye na Ntaryamira b’u Burundi ndetse na Laurent Desire Kabila wa Kongo zose ziri ku mutwe wa Kagame. Ku bumvise Rudasingwa avuga ayo magambo, ntabwo batekereza ko mu kujya mu rubanza uwo mugabo yatangaza ko ibyo bikorwa byose by’ubwicanyi yumvise gusa Kagame abyigamba! Theogene Rudasingwa rero yaba yarafashe abanyarwanda nk’ibicucu, ku buryo yakeka ko batagira ubwenge butekereza bakaba bakwemera ubuhamya busa n’ubutanzwe n’umuntu udakomeye mu mutwe?

Dukurikije ibivuzwe haruguru, dushobora gutekereza ko Rudasingwa yaba yaraguye mu mutego wa FPR na Jeune Afrique, ariko rero ko uwo mutego wafashe n’ubundi umuntu wari warateshutswe mu nzira yari yaremereye abanyarwanda kubayoboramo mu kwibohora igitugu cy’inkotanyi. Kuba Rudasingwa yaba adakomye mu mutwe ibyo byo nta wukwiye kubitekereza, kuko imirimo yose uyu mugabo yakoreye FPR ntibari kuyimushinga ari uko ari umuntu w’ikigoryo. Twakwibutsa ko Rudasingwa uretse kuba mu buyobozi bw’Inkotanyi, yanahagarariye FPR mu bihugu bikomeye ndetse no muri Loni. Yakoze mu biro bya Kagame igihe kitari gito, ku buryo atari kuyoberwa imigambi y’inkotanyi mu yikomeye. Ndetse nta washidikanya no kuvuga ko Rudasingwa azi ku murongo imitegurire yose y’intambara za FPR kugeza no kwica Habyarimana, atari ukuvuga gusa ngo yumvise Kagame abivuga. Theogene Rudasingwa rero yateye deception cyane ku baharanira kwibohora, igisigaye kikaba  kuba twakwibaza icyamuteye gukora uko yabigenje muri iyi minsi.

2. RNC yananijwe cyane n’abanyarwanda yifuzaga gufasha!

Kugira ngo tubashe kumva icyateye Rudasingwa kwitwara uko yitwaye kugeza ubwo yatabye mu nama abo bari bafatanyije, dukwiye kubishakira kuri critiques zikomeye cyane yakomeje kwibasira Ishyaka RNC mu minsi ishize, ku buryo iryo shyaka kwinyagambura bitari bikiryoroheye.

Ikibazo nyamukuru cyaba cyaraciye intege RNC, ni uko abanyarwanda bamwe bakomeje kugaragaza ko batakwihanganria kuba barangazwa imbere n’abantu bafite amaraso y’abantu ku biganza. Icyo abanyarwanda bamwe bakomeje kugaragariza RNC, ni ukugerageza byibuze kudashyira imbere abantu barimbuye abaturage kandi bakabyigamba ku mugaragaro bahoze mu Nkotanyi. Uwashyizwe mu majwi cyane cyane ni Generali Kayumba Nyamwasa, uyu wahoze ari umugaba w’Inkotanyi. Abanyarwanda batanga ibimenyetso bifite gihamya ko Kayumba Nyamwasa we ubwe yivugiye ko iyo yayoboraga ingabo ku rugamba yazitegekaga kwica abacengezi n’abaturage, akarimburira hamwe atarobanuye. Bityo abanyarwanda bakagira bati ni gute baba barwanya ubugiranabi bw’Inkotanyi, hanyuma bagahindukira bakarangazwa imbere na bamwe mu bicanyi baziyoboye!

Impungenge z’abanyarwanda bagaragazaga icyo kibazo zarumvikanaga ku buryo bwuzuye. Ndetse hari n’abagiraga bati niba ari ibyo, igikwiye ni ukureka Kagame agakomeza kutwica, niba ari ngombwa ko umuntu w’umwicanyi ashobora kuyobora abantu. Nyamara niba ibyo ku buryo bwa sentiments bishobora kumvikana neza, ku rwego rwa politiki ibyo byiyumviro by’abanyarwanda ntibyaba bifite ireme rifatika, kuko politiki mbere n ambere ari ugukemura ibibazo biremereye kimwe no kureba ejo hazaza h’igihugu.

Politiki nziza birumvikana igomba kurwanya ubwicanyi aho bwaturuka hose, gusa icyo abanyarwanda bakomeje kugaragaza izo mpungenge kuri RNC bakomeje kwibeshyaho, ni uko umwacanyi wahindutse, n’umwicanyi ukomeje imigambi y’ubwicanyi abo atari abantu bamwe. Hari aho ibihe bisaba kubabarira no kureba imbere, cyane cyane iyo nta danger iriho ibangamiye igihugu n’abaturage. Bityo hari abashyira mu gacaro basaba ko bidakwiriye ko abantu bashyira mu gatebo kamwe Kayumba na Kagame. Ndetse hari n’abatanga ingero bahereye ku byanditse muri bibiliya, aho bagira bati ko Paulo wicaga abakirisitu yahindutse ahubwo akaba ariwe ufasha abo abakirisitu mu rugamba rwo guharanira kubaho. Bityo hakurikijwe iyo politiki y’Imana abanyarwanda bashyira mu gaciro bagerageza kwereka abafata Kayumba ku rwego rumwe na Kagame ko bakwiriye gucisha make, ahubwo bakareba imigambi mishya ya Kayumba muri iki gihe ushaka gutabara u Rwanda! Gusa aha nabwo bigasaba RNC kugaragaza koko icyatuma abantu bayiha icyizere kugeza aho abayobozi bayo bakwakirwa koko nk’abashaka ineza y’igihugu!

3. RNC ntacyo yatejeho imbere urugamba rwo kwibohora!

Mu by’ukuri ibibazo byavugwaga kuri RNC cyane cyane ibijyanye n’abicanyi baba bayirimo ntibyajyaga gukomera, iyo RNC ikigira ikintu gifatika itezaho imbere urugamba rwo kwibohora. Ikibazo cya RNC rero cyakomejwe n’uko abanyarwanda basanze ntacyo yabunganiyeho, bityo niba abayobozi ba RNC baba bifuza kongera kuzanzamura iryo ishyaka, ni aho bari bakwiriye gushakira igisubizo. Ariko rero aho bintu bigeze cyane cyane nyuma y’ubuhamya bwa Rudasingwa kwa Trevidic, birakomeye kugira ngo iryo shyaka ryongere rigarurirwe icyizere.

Mu myaka itatu ishize RNC igishingwa, yabaye koko nk’itanga icyizere. Ndetse hari n’abagize bati uriya Kagame wigize akamana abonye abamushobora, kandi nta bandi ni bene wabo. Hari benshi bitabiriye RNC muri ubwo buryo aho bagiraga bati n’uwayoboka ishyaka yajya ahari ingufu. Ikibazo rero ni uko izo ngufu za RNC zitabashije kuboneka, cyane cyane ko itigeze isobanura ku buryo bwumvikana uko iteganya guhangana na Kagame.

Mu bibazo byagiye bibazwa abayobozi ba RNC ku byerekye inzira bateganya kubohoramo u Rwanda, n’ubwo bitari bisobanutse,byagiye bisa nk’ibyumvikana ko RNC yariho yigisha ibyo bamwe bakunze kwita Non violence kugeza ubu byananiranye mu gufasha Kagame gushyira mu gaciro. Bityo uko iminsi yashiraga niko bamwe bagiraga bati niba ari ibi byo kwirirwa abantu bamagana Kagame mu magambo n’abandi barabishoboye, ndetse na « Ingabire wacu nta wubimurushamo ubutwari! » Kudasobanura inzira ifatika yo kubohoza u Rwanda byakomeje gutera bamwe kurambirwa ndetse batangira no kubaza ibibazo bijyanye n’abicanyi bari muri RNC, kugeza ubwo bibujije iryo shyaka kwinyagambura nk’uko tubibona ubu.

Umwanzuro

Niba hari ishyaka ubu bigaragara ko rifite ibibazo byo kuba ryatera kabiri ni RNC. Cyane cyane ko yamaganwa biturutse impande zose. Uwarahiye kuzahenangura RNC wa mbere birumvikana ko ari FPR. Yabigaragaje ku buryo bwinshi, harimo no kurasa bamwe mu bayobozi b’iryo shyaka. Abandi rero bafashije FPR kutayorohera ubu, n’abayerekezaho imyambi hirya no hino kubwo kuba ntacyo yunguye ku rugamba rwo kwibohora. Ibyo bibazo byombi icyakora ntacyo byajyaga gutwara iryo shyaka, iyo abayobozi baryo batagaragaza ko bifitemo indimi ebyiri nk’uko byagaragaye mu buhamya bwa Rudasingwa kwa Trevidic. Ese twahera aha dutekereza ko inkundura ya RNC irangiriye aha? Iminsi iri imbere niyo izagaragaza uko RNC izagerageza kwivana muri ibyo bibazo by’inzitane. Ibyo aribyo byose abakomeje kurengera RNC ku bw’ubufatanye muri Opposition, bashobora nabo kurambirwa guhora bajorwa n’abandi banyarwanda kubwo kudashishoza. Gusa na none umuntu yavuga ko nta rirarenga. Bavuga ko intambwe ya mbere ariyo y’ingenzi, kandi ubushake bwiza bwa RNC bwagaragaye mu ntangiriro. Bityo ibibazo RNC ifite muri iki gihe bishobora nabwo kuba nk’ibigeragezo byazayifasha kurushaho gukomera, ariko aha birasaba abayobozi bayo ingufu zidasanzwe zo kuvugurura.

Dukomeze tubitege amaso.

Mzee wa Bazee

 » Ndahire Imana mbangure imanzi mwa Kizima…njyewe nanga abahutu » (Simoni Bikindi)

Ingengabitekerezo ya genocide, cyangwa ukuri kubisi?! A vous de juger.

Cliquer ici pour voir la vidéo.

Source video: Ikazeiwacu blog

Rwanda: Félicitations au roi Willem Alexander et à la Reine Maxima

Rubanda yishimira Umwami mushya mu « mashyi n’impundu »!

Mu ngoro i Bwami Amsterdam

Musenyeri Mbonyintege, Umukuru wa Kiliziya gatolika mu Rwanda, yiteguye ate guhangana n’ibimenyetso by’ibihe?

Mu cyumweru gishize aha twakiriye inyandiko itangaje! Iyo nyandiko yaba ngo yari igenewe Papa w’i Roma, yatabarizaga Diyosezi gatolika ya Kabgayi ivuga ko igeze aharindimuka ngo biturutse ku mwepiskopi w’iyo Diyosezi ariwe Smaragde Mbonyintege. N’ubwo tudashobora gushyigikira inyandiko iza ivuvuza umushumba wa Diyosezi mu nzarwe, hari impamvu zaduteye kuyitangaza, kuko urebye iyo nyandiko yanyuze kuri uru rubuga Le Médiateur, iyo uyisomye ushishoje usanga ifite uburemere bukomeye. Impamvu ituma inyandiko nk’iriya iba ikwiriye kwitabwaho, ni uko ahari umwotsi buri gihe haba hari n’umuriro! N’ubwo ibivugwa en details muri iyo nyandiko kuri Musenyeri Smaragidi mu by’ukuri nta muntu utekereza wari ukwiriye kubiha agaciro, iriya baruwa ni ikimenyetso ko mu matorero yogeza ubutumwa bwa gikristo mu Rwanda hari ikibazo gikomeye, kandi ko ushishoza abona ko gifitanye isano n’ubufatanye bw’amatorero n’ingoma y’igitugu ikomeje kubiyogoza mu gihugu. Twakwibaza rero tuti ibyo birahurira he n’ibaruwa twasomye! Nibyo tugerageza gusesengura muri iri jambo ry’ibanze.

Kuki Umwanditsi yashatse gusiga inzarwe Musenyeri Smaragde?

Ibaruwa yandikiwe papa yatangajwe mu cyumweru gishize, mu by’ukuri yanditswe mu mwaka ushize. Kubera ko yandikiwe Papa w’i Roma ariko amakopi agahabwa abantu benshi, ibyo byatumye ibyari biyirimo bitaba ibanga, ahubwo bikomeza kuzenguruka mu bantu babihererekanywa, nk’uko twagerageje kubitohoza. Ibaruwa itugezeho mu cyumweru gishize, igitekerezo cya mbere cyabaye kwirinda kuyishyira ku karubanda, gusa nyuma dukurikije ko abagaragara nk’abayisinye ari abapadiri bose b’ingenzi ba Diyosezi ya Kabgayi, twasanze ibiyikubiyemo bikwiye kumenyekana. Impamvu ya mbere ni uko mu kwitirira iriya nyandiko  bariya bapadiri ku mwanditsi, ari umwanya ku bapadiri wo kwibaza impamvu yashatse ko ibitirirwa kandi ibyo bitamenyerewe. Bariya bapadiri bagombye gutangaza ku ruhande rwabo icyo batekereza kuri iyo nyandiko, bitabaye kuvuga gusa ngo ni tract idakwiriye kwitabwaho. Ikindi cyatumye twe tuyiha agaciro, ni uko ibiyikubiyemo bigaragara neza ko byanditwe n’umuntu uhugutse kandi uzi neza imikorere ya kiliziya gatolika, ndetse nta gushidikanya ko yaba ari n’umupadiri. Niba nyir’ugukora inyandiko yaratekereje kuyisinyisha (mu mutwe we) abayobozi bose muri Diyosezi ya Kabgayi, ni ukuvuga ko yashatse kuyiha uburemere, bityo abagaragara ko bayisinye bakaba badashobora kwicara ntacyo bayivuzeho nk’aho ntacyabaye. Niho ubwenge bw’umwanditsi bugaragarira, bityo n’abafata iyo baruwa nka tract mu by’ukuri ntabwo ari tract isanzwe, kuko ahubwo nk’uko biboneka yari ikwiriye gufatwa nka genre litteraire inedit( yo mu rwego ruhanitse). Ni ukuvuga ko nyir’ukwandika, umuntu w’umuhanga mu by’ukuri, yari afite ubutumwa bukomeye ashaka gutambutsa, hanyuma ashaka victime yifashisha ariwe Musenyeri Smaragde!

Twakwibaza niba guhitamo Musenyeri Smaragde nk’igitambo yaba yarabikoreye ubushake bwo kumwanduza gusa, cyangwa niba hari ikindi bihishe! Mu gusesengura, usanga hari impamvu nyinshi Musenyeri Smaragde ariwe yahisemo guhanantura, ariko mu by’ukuri agamije kwerekana ko Kiliziya mu Rwanda muri iki gihe iri mu burangare, ku buryo iyogezabutumwa ribangamiwe biteye inkeke! Aragira ati « (…)Vu l’absence d’unité et de la communication entre Mgr Smaragde MBONYINTEGE et ses prêtres, le climat de peur, de suspicion, et de méfiance entre ces derniers et leur Evêque et la circulation régulière des critiques ,voire même d’insultes et de propos malveillants adressé à l’Evêque, à travers la presse nationale et internationale, ce qui ternit considérablement non seulement l’image de l’Eglise du rwanda, mais encore de l’Eglise universelle ; nous en concluons que notre piteuse situation comme prêtres du Diocèse de Kabgayi n’est pas seulement un problème isolé du Diocèse de Kabgayi ; mais un problème  de l’Eglise universelle(…) Muri rusange umwanditsi aravuga ku bwoba, ubwishishanye no gukimbirana mu bapadiri, akavuga ko bizanwa na Museyeri Smaragde, kandi akabibona nk’ikibazo cya kiliziya y’u Rwanda ndeste n’iyo ku isi hose. Igitangaje aha, ni ukwibaza uburyo ibibazo bishobora kugera aho kubaho mu bwoba, ubundi budashobora kumvikana mu bapadiri, kuko n’iyo habaho gukimbirana, ntihabaho gutekereza ko hari uwarasa undi byagera aho kuzana umwuka w’icyoba!!! None se Musenyeri atunze ingabo n’imbunda ku buryo hari umupadiri wakumva ariho mu bwoba kubera we?

Ahandi ubonera ko hari ikibazo gihishe umwanditsi yoroshe ibibazo byo kuvuga ibipfuyemyotsi kuri Musenyeri, ni aho avuga ku kibazo cy’irondakoko mu bapadiri, aba ngo bakaba bashyirwa mu bice hakurikijwe ubwoko bwabo n’aho bakomoka. Bityo agasanga ngo abapadiri b’abahutu basa n’abashyirwa imbere, ngo bakagenda bemye muri diyosezi yabo kandi bishimiye ubuhutu bwabo, ku rundi ruhande ngo hakaba abapadiri b’abatutsi babonwa nk’abapadiri bo hasi, ngo cyane cyane ko kwivana mu bikomere batejwe na genocide byababereye ingorabahizi!

Mu gusoma iyi baruwa rero usanga bitoroshye kuba wamenya niba yaranditswe n’umupadiri w’umututsi cyangwa w’umuhutu,  nk’uko bitoroshye nabwo kuba wamenya nyir’ukwandika  mu by’ukuri ari muntu ki. Kuvuga gusa ko ari umurakare nk’uko abapadiri b’i Kabgayi babyemeza bikaba bidahagije, mu gihe baterekana icyatera kuba umurakare bigeze hariya. Ariko rero yaba umurakare yagira, biboneka ko uwanditse atari ubonetse wese, ahubwo ko ari n’umuhanga bikomeye. Muri rusange arahamagarira ivanwa ku ntebe rya Musenyeri Smaragde kubera impamvu we azi, bityo agashakisha izindi mpamvu zidafite shinge na rugero zo kwambika intego ye ariyo yo kwambura inkoni y’ubushumba Musenyeri, mbese nka kwa kundi bagira bati la fin justifie les moyens!

Ese Koko Musenyeri Smaragde yaba adakwiye ubuyobozi?

Ikibazo cy’ingenzi aha cyaba kwibaza impamvu umwanditsi asabira ashimitse  Musenyeri Smaragde kuvanwa ku buyobozi bwa Diyosezi byanze bikunze. Ese impamvu atanga zirahagije? Mu by’ukuri ku bazi neza Smaragde Mbonyintege, kuvuga ko atari akwiye ubusenyeri ntibyaba aribyo. Ku bamuzi cyane cyane mu maseminari (into n’inkuru) aho yakunze kuba nk’umurezi, ntabwo Smaragde ari wa muntu wavuga ko ari tereriyo, cyangwa ko adafite sens de responsabilité. Oya ntibyaba aribyo. Musenyeri Smaragde ni umugabo uzi icyo akora kandi ukunda Kiliziya. Ashobora rimwe na rimwe kurangwa n’amakare, ariko ku mutima mwiza nabwo abamurusha mu Kiliziya baba mbarwa. Musenyeri Smaragde akunda abantu kandi akagira umutima w’ubwumvikane no gushyira mu gaciro. Ibyo n’ibindi utarondora, bimuha imico ya gisenyeri ku buryo budashidikanywaho. Ko habaho utuntu n’utundi dushobora kuvurundurwa nk’uko uwanditse yandika nko ku mibanire ye n’abagore, ibyo aribyo byose niba si jamais ibyo byaba byarabayeho nk’uko umwanditsi ashaka kubihamiriza, nta hantu na hamwe higeze haba scandales zijyanye n’ibyo aho Smaragde yabaye hose: Ni ukuvuga ko kubanira abantu bose, bo mu bitsina byombi, kandi bitagaragaye ko haba harimo iby’ingeso zidasobanutse, uko niko Musenyeri Smaragde azwi mu buzima public. Kuba rero Umwanditsi  ikibazo cy’abagore yakigira icy’ingenzi mu gushaka kuvana Musenyeri ku ntebe, byaboneka nk’urwitwazo.

Mu gusesengura rero wasanga Umwanditsi w’iyi nyandiko mu by’ukuri afite ikindi  agamije mu gushaka ikurwaho rya Musenyeri Smaragde. Bishobora kuba ibibazo bwite yifitaniye nawe, ariko dusubiye ku ngingo zimwe yakomojeho zikunze kujyana n’ibibazo biboneka mu muryango nyarwanda nk’amoko n’uturere, ubona ko hari impamvu uwanditse atifuza Smaragde Mbonyintege nk’umuyobozi.

Ubufatanye bwa Kiliziya na leta y’igitugu muri iki gihe nicyo kibazo kiremereye!

Nk’uko bigaragara ko iriya baruwa yanditswe mu mwaka ushize, birahura n’ingendo za Musenyeri Smaragde yakoreye i Burayi mu mwaka ushize abonana n’impunzi zihatuye, biboneka ko bisa n’ibyari muri gahunda ya leta ya FPR mu gushaka kurebwa neza n’abantu no kwibagiza igitugu no kubangamira ikiremwamuntu biri mu gihugu.  Nyuma y’ifungwa n’imanza z’akarengane byagiriwe Madame Ingabire Umuhoza, FPR yahise itangira campagne yo gushaka kwibonekeza neza mu maso y’abantu, ibyo ikaba yarabishyize mu bikorwa yohereza abantu bayo hirya no hino bo kujya kurura abanyarwanda bababajwe cyane n’akarengane kagiriwe Madame Ingabire. Ingendo zidasanzwe za Musenyeri Smaragde mu Buholandi no mu Bubiligi, zikaba zaribajijweho byinshi n’abanyarwanda batamenyereye ko Abasenyeri baza kubasura iyo bahungiye. Gushyigikirana n’ingoma y’igitugu iri mu gihugu, aho rwose bigaragara neza ko Musenyeri Smaragde yabyinjiyemo, kandi siwe wenyine, n’abandi bepiskopi benshi, baba muri Kiliziya gatolika no mu matorero y’abaprotestanti n’abandi, basa n’abahumirije amaso ku bikorwa ruvumwa n’ingoma mpotozi mu Rwanda, birengagiza batyo akarengane kagirirwa rubanda. Iyo ishobora kuba impamvu ikomeye ituma umwanditsi nk’uriya ashaka guhirikisha Musenyeri, ibyo akabikora adashatse kwivuruguta mu bibazo byamuzanira ingorane ku rwego rwa politiki, ariko mu by’ukuri yifuza ko Musenyeri avanwa ku buyobozi.

Ni aha Musenyeri Smaragde kimwe bagenzi be gushakisha impamvu zatuma umwe mubo bayoboye ashobora kwibasira umuyobozi mu kiliziya kariya kageni, ariko rero biramutse bigaragaye ko uwanditse atifuza Musenyeri we ku bwo gukorana na leta ihotora abaturage ntabarengere nk’uko biboneka, uburakari bw’uwanditse ntibwabura kugira ishingiro.

Mu matorero y’abakristo, nka Kiliziya gatolika by’umwihariko, hakunze kubaho ibihe bikomereye abayobozi kimwe n’iyogezabutumwa bashinzwe. (Bamwe babyita signes de temps, ibimenyetso by’ibihe). Igihe cyose hagiye habaho umuhwituzi (nk’uko tubizi kuri Martini Luther), byagiye bibera umwanya Kiliziya wo kwivugurura. Nta gushidikanya ko inyandiko iherutse gutangazwa (idakwiye gufatwa à la legere) ari ikimenyetso cy’ibihe, bityo ko yagombye kubera abayoboye Kiliziya mu Rwanda umwanya wo kujyana iyogezabutumwa mu murongo wo kurengera abatsikamiwe n’abazira akarengane, kuko ariyo mission y’ingenzi uwashinze Kiliziya yayihaye. Igihe cyo gushyigikirana na leta irenganya gikwiye kurangira, abashinzwe amadini bakumva ko bagomba kurushaho kwita ku butumwa bahawe aho kwishimira gusa kurebwa neza n’abategetsi. Bitabaye ibyo, bagombye kwitegura guhangana n’izindi crises zirushije amabaruwa ya tract gukomera, cyane cyane ko biboneka ko abakirisitu batangiye kurambirwa. Iyo kiliziya zishyigikirana n’ubutegetsi burenganya abaturage, icyaruta n’uko abo baturage aho kuzitabira bakwisubirira ku mico gakondo ya Nyabingi na Ryangombe bagasenga Imana imwe y’abasokuruza, kubera ko aho ngaho byibuze baba bashobora kuhasanga bimwe mu bisubizo bijyanye n’ibibazo bibahangayikishije. Ni ah’abayobozi b’amatorero rero kwibaza no kwisubiza!

La Rédaction, Le Médiateur

TRISTE VISAGE DU DIOCÈSE KABGAYI ET CRIS DES PRÊTRES AU PAPE

(Version officielle en langue française par le Secrétariat de l’Evêché de Kabgayi )

Au mois de janvier 2013, il a été publié une lettre  inauthentique destinée à Sa Sainteté le Pape Benoît XVI, contenant de graves diffamations contre Son Excellence Monseigneur Smaragde MBONYINTEGE, Evêque du Diocèse de Kabgayi. L’auteur de cette lettre l’a attribuée aux Curés des paroisses du Diocèse de Kabgayi et à certains de leurs confrères prêtres responsables d’autres services.

Celui qui a écrit cette  lettre dit que les prêtres cités auraient demandé au Pape de démettre Son Excellence Monseigneur Smaragde MBONYINTEGE de la charge épiscopale du Diocèse de Kabgayi. La lettre en question a d’abord été distribuée entre personnes par des moyens divers et, présentement, elle vient d’être diffusée largement par des médias.

Nous, les prêtres auxquels il a été attribué cet écrit, tenons à communiquer à tous les chrétiens et à tous ceux qui ont lu ladite lettre ou en ont entendu parler, ce qui suit :

1.      La lettre en question a pour but la diffamation de Son Excellence Monseigneur Smaragde MBONYINTEGE. Elle contient des contre-vérités sans fondement.

2.      Les prêtres présentés comme étant les signataires n’ont rien à voir avec cette lettre qui leur  a été attribuée indûment. 

3.      Le vrai auteur de ladite lettre est animé de mauvaises intentions de porter atteinte à la réputation de l’Evêque de Kabgayi,  de l’opposer à ses prêtres, de décourager et de manipuler la communauté chrétienne.

4.      En tant que prêtres du Diocèse de Kabgayi, nous sommes attristés par cette lettre carrément inventée et nous tenons à la dénoncer publiquement. Nous réaffirmons que nous sommes unis à notre Evêque et que notre idéal est de participer ensemble avec lui à notre mission commune de proclamer le règne de Dieu.

5.      Nous rappelons à celui qui a été à l’origine de ladite lettre comme d’autres écrits similaires antérieurs, non seulement que ses actes indignes perturbent la famille des enfants de Dieu, mais aussi  que lui-même n’en sort pas édifié. Nous l’invitons à se ressaisir et à se convertir.

6.      Nous profitons de cette occasion pour demander aux médias de ne pas donner place aux tels écrits qui ont le but de détruire la communauté. En même temps, nous demandons à tous ceux qui lisent  ces  écrits ou en entendent parler, de faire preuve de discernement afin de ne pas se laisser distraire.

7.      Enfin, nous tenons à tranquilliser la communauté chrétienne tout en lui demandant de rester unie avec nous dans l’annonce de l’Evangile, en témoignant fidèlement du Christ, toujours guidés par l’Esprit de Dieu (Ga 5, 25).

Fait à Kabgayi, le 06 mai 2013.

Liste des signataires (Voir la version originale en langue Kinyarwanda)

**************************

Dear colleagues please find herewith the link of the petition against Kagame’s visit in Oxford.

Please sign it.  

http://www.change.org/en-GB/petitions/cancel-oxford-address-and-award-ceremony-for-rwandan-president-paul-kagame?share_id=oRyEAfkvzK&utm_campaign=signature_receipt&utm_medium=email&utm_source=share_petition

with regards

Jean Marie Minani

–

‘Amahirwe angana ku Banyarwanda bose mu gihugu kiyobowe muri Demokarasi na Repubulika’